ডিজিটেল ডেস্কঃ মানৱ সমাজক লজ্জানত কৰা এটা ঘটনা আজি নামৰূপত সংঘটিত হয়।
নামৰূপ ডিস্ক মাৰ্কেটৰ সমীপৰ টেলিফ’ন এক্সচেঞ্জৰ কাৰ্যালয়ৰ কাষৰ নলাত এটি মৃত নৱজাতক উদ্ধাৰ হয় ।
প্ৰত্যক্ষদৰ্শীৰ ভাষ্য অনুসৰী নিশাৰ ভাগতেই কোনো পাষণ হৃদয়ৰ লোকে উক্ত নৱজাতকটি পেলাই থৈ যায় বুলি অনুমান কৰে।
উপস্থিত ৰাইজে উক্ত ঘটনা সংঘটিত কৰা নৰাধমক তীব্ৰ ভাষাৰে গৰিহনা দিয়ে। পাছত আৰক্ষী ঘটনাস্থলীত উপস্থিত হয় আৰু জিলা দণ্ডাধীশৰ উপস্থিতিত মৃত নৱজাতকটি মৰণোত্তৰ পৰীক্ষাৰ বাবে প্ৰেৰণ কৰে।
দোষীক চিনাক্ত কৰি কঠোৰ শাস্তি প্ৰদান কৰাৰ দাবী তুলিছে নামৰূপবাসীয়ে।
Continue Reading
