ডিজিটেল ডেস্কঃ ৰাজধানী দিল্লীৰ চাণক্যপুৰীত অৱস্থিত জিছুছ আৰু মেৰী কলেজকে ধৰি প্ৰায় ২০খন কলেজে বোমাৰ ভাবুকি লাভ কৰিছে। ই-মেইলৰ জৰিয়তে আটাইকেইখন কলেজত ভাবুকি দিয়া হৈছে।
এই ভাবুকি পোৱাৰ পিছতে আতংকিত হৈ পৰিছে সকলো মহাবিদ্যালয় প্ৰশাসন। এই বিষয়ে আটাইকেইখন মহাবিদ্যালয়ে আৰক্ষীক অৱগত কৰিছে। এই সন্দৰ্ভত আৰক্ষীয়ে তদন্ত আৰম্ভ কৰিছে।
দিল্লী আৰক্ষীৰ মতে, মহাবিদ্যালয়সমূহে ভাবুকি পোৱা বিষয়টোৰ তদন্ত চলাইছিল যদিও তদন্তত এই ভাবুকি ভুৱা বুলি ধৰা পৰে। ই-মেইল পঠোৱা ব্যক্তিজনে ভিপিএন ব্যৱহাৰ কৰা বুলি কোৱা হৈছে।
ইয়াৰ পূৰ্বে দিল্লীৰ বহু বিদ্যালয়ত বোমা বিস্ফোৰণৰ ভাবুকি আহিছে। কিন্তু প্ৰশ্ন হয় দিল্লী আৰক্ষীয়ে তেওঁলোকক ভাবুকি দিয়া লোকসকলক ধৰিব পৰা নাই কিয়?
Continue Reading
