ডিজিটেল ডেস্ক : আগন্তুক পাঁচ দিনত উত্তৰ-পূবৰ প্ৰায় আটাইকেইখন ৰাজ্যতে ধাৰাসাৰ বৰষুণ হোৱাৰ সম্ভাৱনা আছে। ভাৰতীয় বতৰ বিজ্ঞান বিভাগে (আইএমডি) মঙলবাৰে এই ভবিষ্যতবাণী কৰে৷ আইএমডিয়ে কয় যে বংগোপসাগৰৰ পৰা উত্তৰ-পূব ভাৰতলৈ নিম্ন ট্ৰপ'স্ফিয়াৰ স্তৰত শক্তিশালী দক্ষিণ পশ্চিমীয়া বতাহৰ প্ৰভাৱৰ বাবে, পৰৱৰ্তী পাঁচ দিনত অৰুণাচল প্ৰদেশ, অসম আৰু মেঘালয়, নাগালেণ্ড, মণিপুৰ, মিজোৰাম আৰু ত্ৰিপুৰাত বিচ্ছিন্ন ভাৱে ধাৰাসাৰ বৰষুণ হোৱাৰ সম্ভাৱনা আছে।
অৰুণাচল প্ৰদেশ, অসম আৰু মেঘালয়, নাগালেণ্ড, মণিপুৰ, মিজোৰাম আৰু ত্ৰিপুৰা ৰাজ্যত ধাৰাসাৰ বৰষুণ হোৱাৰ সম্ভাৱনা আছে। আইএমডিৰ মতে, নাগালেণ্ডত, মন, লংলেং, টুয়েনচাং, কোহিমা আৰু পেৰেন জিলাত ৭ আৰু ৮ জুনত ব্যাপক বৰষুণ হোৱাৰ সম্ভাৱনা আছে।
আনহাতে, নাগালেণ্ডৰ জিলা মকোকচুং, কিফিৰে, ফেক, ডিমাপুৰ, জুনহেবোটো আৰু ৱোখা জিলাতো একেদিনাই বৰষুণ হোৱাৰ সম্ভাৱনা আছে। ৯ আৰু ১০ জুনত ডিমাপুৰ, ৱোখা, মোকোকচুং, জুনহেবোটো, কিফিৰে আৰু ফেকত যথেষ্ট ব্যাপক বৰষুণ হোৱাৰ সম্ভাৱনা আছে৷ আনহাতে মন, লংলেং, টুয়েনচাং, কোহিমা আৰু পেৰেন জিলাত ব্যাপক বৰষুণ হোৱাৰ সম্ভাৱনা আছে।
Continue Reading
