পুনৰ আন্দোলনৰ হুংকাৰ আন্না হাজাৰেৰ! গঠন কৰিলে নতুন সংগঠন ‘ৰাষ্ট্ৰীয় লোক আন্দোলন’

উল্লেখ্য যে যদিহে আগষ্টৰ ভিতৰত মহাৰাষ্ট্ৰ চৰকাৰে লোকায়ুক্ত আইন প্ৰণয়ন নকৰে তেন্তে সমগ্ৰ মহাৰাষ্ট্ৰতে আন্দোলন আৰম্ভ কৰিব বুলি হুংকাৰ প্ৰদান কৰিছিল সমাজকৰ্মীগৰাকীয়ে। ১৫ মে’ত এই সন্দৰ্ভত আন্নাই মুখ্যমন্ত্ৰী উদ্ধৱ থাকৰেলৈ এখন পত্ৰ লিখিছিল। তেওঁ কৈছিল যে দেশৰ একাংশ ৰাজ্যই গাইডিং নীতি অনুসৰি লোকায়ুক্ত আইনসমূহ অধিসূচনা কৰিছে, কিন্তু মহাৰাষ্ট্ৰত এতিয়ালৈকে সেয়া হোৱা নাই। বিগত দেৱেন্দ্ৰ ফাৰনৱিছ চৰকাৰৰ সময়ত ২০১৯ চনত মই আন্দোলন কৰিছিলোঁ, কিন্তু মুখ্য সচিবৰ অধ্যক্ষতাত চৰকাৰে এখন খচৰা সমিতি গঠন কৰিবলৈ সাজু হৈছে বুলি লিখিত আশ্বাস দিয়াৰ পিছত মই আন্দোলন প্ৰত্যাহাৰ কৰিলোঁ। ইয়াৰ পিছত বৰ্তমানৰ এমভিএ চৰকাৰে লোকায়ুক্ত আইন প্ৰণয়ন কৰাৰ প্ৰতিশ্ৰুতি দিছিল, কিন্তু এতিয়ালৈকে একো কৰা হোৱা নাই। 

আন্নাই পত্ৰখনত কৈছিল যে মহাৰাষ্ট্ৰ চৰকাৰে হয় লোকায়ুক্ত আইন কাৰ্যকৰী কৰিব লাগে নহয় ক্ষমতাৰ পৰা অপসাৰণ কৰিব লাগে। লোকায়ুক্ত আইনৰ সপক্ষে আন্দোলন আৰম্ভ কৰিবলৈ ৰাজ্যৰ ২০০খন তহচিলত কমিটী গঠন কৰা হৈছে।