অসমত প্ৰতিৰক্ষা কৰিড'ৰ স্থাপনক লৈ প্ৰতিৰক্ষা মন্ত্ৰীৰে বৈঠক মুখ্যমন্ত্ৰীৰ

এই পদক্ষেপে পূব সীমান্তত আমাৰ সশস্ত্র বাহিনীৰ চাহিদা মজবুত কৰাৰ প্ৰধানমন্ত্ৰী ডাঙৰীয়াৰ 'মেক ইন ইণ্ডিয়া'ৰ দৃষ্টিভংগীক সহযোগিতা আগবঢ়োৱা তথা উত্তৰ-পূবত নতুন অর্থনৈতিক সম্ভাৱনা সৃষ্টিকে ধৰি বহুকেইটা উদ্দেশ্য সাধন কৰিব।'

উল্লেখযোগ্য যে অসম চৰকাৰে ইতিমধ্যে ৰাজ্যখনত এটা প্ৰতিৰক্ষা কৰিড'ৰ স্থাপনৰ বাবে কেন্দ্ৰীয় চৰকাৰৰ ওচৰত প্ৰস্তাৱ দাখিল কৰিছে। আনকি এই প্রকল্পৰ বাবে প্রয়োজনীয় ভূমিৰো যোগাৰ কৰাৰ পদক্ষেপ হাতত লৈছে ৰাজ্য চৰকাৰখনে। ইফালে, মুখ্যমন্ত্রী ড° শর্মাই আজি কেন্দ্ৰীয় অসামৰিক বিমান পৰিবহণ মন্ত্ৰী ৰাম মোহন নাইডু কিঞ্জাৰাপুৰ সৈতেও আন এখন বৈঠকত মিলিত হয়। এই বৈঠকত উত্তৰ-পূৰ্বাঞ্চলত বিমান সংযোগ আৰু আন্তঃগাঁথনি সম্প্ৰসাৰণৰ সন্দৰ্ভত বিস্তৃতভাৱে আলোচনা অনুষ্ঠিত হয়।

বৈঠকৰ পাছত মুখ্যমন্ত্ৰীয়ে প্ৰকাশ কৰা মতে, শিলচৰৰ গ্রীনফিল্ড বিমান বন্দৰৰ কাম চলিত বৰ্ষৰ পৰা আৰম্ভ হোৱাৰ সম্ভাৱনা আছে। আনহাতে, কেন্দ্ৰীয় মন্ত্ৰীগৰাকীয়ে ৰূপসী বিমান বন্দৰটোও সম্প্ৰসাৰণ কৰা হ'ব বুলি প্রতিশ্রুতি দিয়াৰ লগতে যোৰহাট, ডিব্ৰুগড় আৰু শিলচৰৰ সৈতে দেশৰ কেইবাখনো চহৰৰ বিমান সংযোগ কৰা হ'ব বুলি অৱগত কৰে।

উল্লেখযোগ্য যে যোৱা কেইবাদিনো ধৰি নতুন দিল্লীত বাহৰ পাতি থকা মুখ্যমন্ত্ৰীগৰাকীয়ে ইতিমধ্যে কেন্দ্রীয় গৃহ মন্ত্রী অমিত শ্বাহ, কেন্দ্রীয় শিক্ষা মন্ত্রী ধর্মেন্দ্র প্রধান, বিত্ত মন্ত্ৰী নিৰ্মলা সীতাৰমণ, স্বাস্থ্য মন্ত্ৰী জগত প্রকাশ নড্ডাকে ধৰি কেইবাগৰাকী মন্ত্ৰীক সাক্ষাৎ কৰি ৰাজ্যৰ বিভিন্ন প্ৰকল্প ৰূপায়ণৰ সন্দৰ্ভত আলোচনা কৰিছে।