ডিজিটেল ডেস্কঃ বৰ্তমান তেওঁ বলীউড অভিনেত্ৰী। কিন্তু এসময়ত পৰ্ণ ষ্টাৰ হিচাপেই পৰিচিত আছিল ছানী লিয়নীৰ। পুৰণি পৃথিৱীখন এৰি জীৱনৰ এক নতুন অধ্যায় আৰম্ভ কৰা বহুদিন হ’ল ছানীৰ। পৰ্ণৰ জগতখন এৰি থৈ গৈছে যদিও অতীত কথাবোৰে এতিয়াও লগ এৰা নাই ছানী লিয়নীৰ। শেহতীয়া এক সাক্ষাৎকাৰত সেই আশংকাৰ কথাই প্ৰকাশ কৰিছে তাৰকা অভিনেত্ৰীগৰাকীয়ে।
ছানী লিয়নীৰ আশংকা, অতীতৰ কথা গম পালে তিনি সন্তানে কি বুলি ভাবিব? সেই কথা গম পোৱাৰ পাছত আছেৰ, নোহ আৰু নিশাই ঘৃণা কৰিব নেকি মাতৃ ছানীক? ছানীয়ে কয়, ‘মোৰ বহুত কথা আছে যিবোৰ ল'ৰা-ছোৱালীয়ে হয়তো ভাল নাপাব, সেইবোৰ কোৱাৰ কোনো প্ৰয়োজনো নাই। এই বিষয়ে মই তেওঁলোকৰ লগত মুকলিকৈ কথা পাতিম। কোনোবাই যদি তেওঁলোকক প্ৰশ্ন কৰে তেতিয়া তেওঁলোকে যাতে উত্তৰ দিব পাৰে।’
ছানীয়ে লগতে কয়, ‘মই মনে বিচৰা ধৰণে সিদ্ধান্ত লৈছিলো, সিহঁতে বিচাৰিলে নিজৰ মতে সিদ্ধান্ত লওক, সেইখিনি স্বাধীনতা মই দিম মোৰ সন্তানক।’ বৰ্তমান ছানী লিয়নী আছেৰ, নোয়া আৰু নিশা নামৰ তিনি সন্তানৰ মাতৃ। ২০১৬ চনত ছানীয়ে মহাৰাষ্ট্ৰৰ লাটুৰৰ এটা অনাথ আশ্ৰমৰ পৰা কন্যা নিশাক তুলি লৈছিল। পিছলৈ চেৰ’গেছীৰ জৰিয়তে ছানী আৰু ডেনিয়েল ৱেবাৰৰ সংসাৰলৈ আগমন ঘটিছিল দুই সন্তান আছেৰ আৰু নোয়াৰ।
Continue Reading
