ডিজিটেল ডেস্কঃ আপোনাৰ শৰীৰৰ বাবে ভিটামিন চি অতি গুৰুত্বপূৰ্ণ। এই পুষ্টিকৰ পদাৰ্থই কেৱল ৰোগ প্ৰতিৰোধ ক্ষমতা শক্তিশালী কৰাই নহয় ছাল আৰু চুলি সুস্থ কৰি ৰখাতো সহায় কৰে। কিন্তু এই ভিটামিনৰ উপকাৰিতাৰ কথা জানি নিৰ্বিচাৰে সেৱন নকৰিব। কাৰণ, অত্যধিক ভিটামিন চি শৰীৰৰ বাবে বিপদজনক হ’ব পাৰে। ইয়াৰ ফলত বৃক্ক আৰু হাড়ৰ সমস্যা হ’ব পাৰে।
অত্যধিক ভিটামিন চি খালে কি হয়
অত্যধিক পৰিমাণে ভিটামিন চি সেৱন কৰিলে শৰীৰত কিছুমান পাৰ্শ্বক্ৰিয়া দেখা দিবলৈ আৰম্ভ কৰে। যদি তলত দিয়া লক্ষণসমূহ আপোনাৰ শৰীৰত দেখা দিবলৈ আৰম্ভ কৰে, তেন্তে ভিটামিন চি সমৃদ্ধ ফল-মূল আৰু খাদ্যৰ পৰা আঁতৰি থকাটো ভাল।
১/ বৃক্কত পাথৰৰ সমস্যাঃ অত্যধিক ভিটামিন চি খাদ্য বা পৰিপূৰক গ্ৰহণ কৰিলে বৃক্কত পাথৰৰ সমস্যা হব পাৰে। কাৰণ শৰীৰে প্ৰস্ৰাৱৰ জৰিয়তে অক্সালেট ৰূপত অতিৰিক্ত ভিটামিন চি বাহিৰ কৰে। কিন্তু, কেতিয়াবা ই আন খনিজ পদাৰ্থৰ সৈতে মিলি সৰু সৰু স্ফটিকৰ ৰূপ লৈ বৃক্কৰ পাথৰ হৈ পৰে।
২/ হাড়ৰ অস্বাভাৱিক বিকাশঃ শৰীৰত ভিটামিন চিৰ অত্যধিক মাত্ৰা থাকিলে হাড়ৰ বিষ, হাড়ৰ অস্বাভাৱিক বিকাশ হ’ব পাৰে।
৩/ হজম শক্তিৰ সমস্যাঃ ভিটামিন চি বেছিকৈ গ্ৰহণ কৰিলে হজম শক্তি বেয়া হয়। ইয়াৰ কাৰণে আপুনি বদহজম, বমি, পেটৰ বিষ, জ্বলন আদি সমস্যাত ভুগিব পাৰে।
৪/ শৰীৰত অসন্তুলিত পুষ্টিঃ অত্যধিক পৰিমাণে ভিটামিন চি সেৱন কৰিলে শৰীৰত থকা পুষ্টিকৰ উপাদানৰ মাত্ৰা অসন্তুলিত হৈ পৰে। ইয়াৰ ফলত শৰীৰত ভিটামিন বি ১২ আৰু কপাৰৰ পৰিমাণ কমি যাব পাৰে। একে সময়তে ভিটামিন চিৰ বাবে শৰীৰত আইৰণৰ ব্যৱহাৰ বৃদ্ধি পায় যিটো স্বাস্থ্যৰ বাবে উপকাৰী নহয়।
Continue Reading
