পাবজীয়ে প্ৰাণ কাঢ়িলে এগৰাকী কিশোৰৰ; ক’ত ঘটিল এই ঘটনা?

ডিজিটেল ডেস্ক: অনলাইন গেমে মানসিকভাৱে দুৰ্বল কৰিছে দেশৰ নতুন প্ৰজন্মক৷ পলকতে হতাশাই ছানি ধৰে তেওঁলোকৰ মন৷ অনলাইন গেম একোটাকো তেওঁলোকে জীৱনৰ সৰ্বস্ব বুলি ভাবিবলৈ কুণ্ঠাবোধ নকৰে৷ কুণ্ঠাবোধ নকৰে চৰম সিদ্ধান্ত গ্ৰহণ কৰিবলৈ৷

পাবজীত হাৰি আত্মহত্যা! এই অনাকাংক্ষিত ঘটনাই জোকাৰিছে অন্ধ্ৰ প্ৰদেশ৷ এগৰাকী কিশোৰৰ প্ৰাণ কাঢ়িলে অনলাইন পাবজী গেমে৷ অন্ধ্ৰ প্ৰদেশৰ মছলিপত্তনম চহৰত সংঘটিত হৈছে এই দুখজনক ঘটনা৷ এগৰাকী ১৫ বছৰীয়া কিশোৰ পাবজী মোবাইল ৰাউণ্ডত পৰাজিত হোৱাৰ বাবে হতাশ হৈ আত্মহত্যা কৰিছে বুলি জানিব পৰা গৈছে।

 আৰক্ষী বিষয়াসকলে সদৰী কৰা তথ্য অনুসৰি কিশোৰজনে তেওঁৰ দেউতাক আৰু পৰিয়ালৰ সদস্যসকলৰ সৈতে গ্ৰীষ্মবন্ধ কটাই আছিল, য’ত তেওঁক পাবজী খেলত পৰাজিত হোৱাৰ বাবে মানসিকভাৱে ভাঙি পৰি আত্মহত্যা কৰাৰ অভিযোগ উত্থাপিত হৈছে। পিতৃৰ পৰা পৃথক হৈ থকা কিশোৰজনৰ মাতৃয়ে পুত্ৰৰ এই মৃত্যুক লৈ সন্দেহ প্ৰকাশ কৰিছে আৰু চিআৰপিচিৰ ধাৰা ১৭৪ (ফৌজদাৰী প্ৰক্ৰিয়া বিধি)ৰ অধীনত সন্দেহজনক মৃত্যুৰ গোচৰ ৰুজু কৰিছে।

মূল পাবজী গেমটো ম'বাইলটো ২০২০ চনৰ ছেপ্টেম্বৰৰ পৰা নিৰাপত্তাজনিত কাৰণত ভাৰতত নিষিদ্ধ হৈ আছে। বৰ্তমানে, দেশত খেলিবলৈ নতুন পাবজী, যেনে বেটেলগ্ৰাউণ্ডছ ম’বাইল ইণ্ডিয়া (বিজিএমআই) আৰু পাবজী নিউ ষ্টেট উপলব্ধ।

কেইবাগৰাকীও মানসিক স্বাস্থ্য বিশেষজ্ঞই অতীতত অনলাইন একচন গেমৰ সৈতে সম্পৰ্কিত মানসিক স্বাস্থ্যৰ উদ্বেগ প্ৰকাশ কৰিছে। বিগত বৰ্ষত অৰুণাচল প্ৰদেশৰ সাংসদ নিনোং এৰিঙে আনকি প্ৰধানমন্ত্ৰী নৰেন্দ্ৰ মোদীলৈ চিঠি লিখি চৰকাৰক পাবজীক ভাৰতত পুনৰ মুকলি কৰি নিদিবলৈ অনুৰোধ জনাইছিল। এৰিঙে প্ৰধানমন্ত্ৰী মোদীক সম্বোধন কৰা পত্ৰখন টুইটাৰত শ্বেয়াৰ কৰিছিল।