পাকিস্তানৰ আক্ৰমণত পুনৰ শ্বহীদ হ’ল ভাৰতীয় সেনা জোৱান

মাত্ৰ ৩ মাহ আগতে বিয়া হৈছিল জোৱান ৰামবাবুৰ। ৰামবাবুৰ পূৰ্বে সাৰণ জিলাৰ মহম্মদ ইমতিয়াজো পাকিস্তানৰ গুলীচালনাত শ্বহীদ হৈছিল। সোমবাৰে নিজ গাঁও নাৰায়ণপুৰত সমাধিস্থ কৰা হয়  মহম্মদ ইমতিয়াজক।

শ্বহীদ ৰামবাবুৰ পিতৃ বৰহাৰীয়া ব্লকৰ হৰিৰপুৰ পঞ্চায়তৰ বাসিন্দা ৰামবিচাৰ সিঙৰ ইতিমধ্যে দেহাৱসান ঘটিছে। ৰামবাবুৰ সৰুৰে পৰা দেশ সেৱা কৰাৰ সপোন আছিল। 

২০২৫ চনৰ ফেব্ৰুৱাৰী মাহত বিবাহপাশত আবদ্ধ হোৱা জোৱান ৰামবাবুৱে বিয়াৰ মাত্ৰ কেইদিনমান পিছতে কৰ্তব্যলৈ উভতিছিল। এতিয়া তেওঁৰ শ্বহীদ হোৱাৰ খবৰে সকলোকে মৰ্মাহত কৰি তুলিলে। 

তেওঁৰ অন্তিম অনুষ্ঠান নিজ গাঁৱত সম্পূৰ্ণ ৰাজ্যিক মৰ্যাদাৰে সম্পন্ন কৰা হ’ব। স্থানীয় প্ৰশাসন আৰু সেনাৰ বিষয়াসকলেও অন্ত্যেষ্টিক্ৰিয়াত অংশগ্ৰহণ কৰিব।

গাঁওবাসীয়ে কয় যে শ্বহীদ ৰামবাবুৰ বলিদানক লৈ সমগ্ৰ গাঁওখন গৌৰৱান্বিত। অৱশ্যে তেওঁৰ আকস্মিক বিদায়ে গাঁৱখনত অসহ্যকৰ যন্ত্ৰণাৰ সৃষ্টি কৰিছে।

জম্মু-কাশ্মীৰ সীমান্তত ৰামবাবু সিং শ্বহীদ হোৱাত বিহাৰৰ মুখ্যমন্ত্ৰী নীতিশ কুমাৰে গভীৰ শোক প্ৰকাশ কৰিছে। তেওঁক দেশে সদায় স্মৰণ কৰি থাকিব বুলিও মন্তব্য কৰে মুখ্যমন্ত্ৰীগৰাকীয়ে। শ্বহীদ জোৱানজনৰ পৰিয়াললৈ ৰাজ্য চৰকাৰে ৫০ লাখ টকাৰ আৰ্থিক সাহায্য প্ৰদান কৰিব।