ডিজিটেল ডেস্কঃ বৃহস্পতিবাৰে বিহাৰৰ মুজাফ্ফৰপুৰৰ এখন আদালতত বলীউডৰ অভিনেতা অমিতাভ বচ্চন, শ্বাহৰুখ খান আৰু অজয় দেৱগানৰ বিৰুদ্ধে "গুটখা আৰু ধপাত সেৱনৰ প্ৰচাৰ" কৰাৰ অভিযোগ উত্থাপন কৰি এখন আবেদন দাখিল কৰা হৈছে। মুজাফ্ফৰপুৰৰ মুখ্য ন্যায়িক দণ্ডাধীশৰ আদালতত সমাজকৰ্মী তামান্না হাছমীয়ে দাখিল কৰা আবেদনখনত অভিযোগ কৰা হৈছে যে এই অভিনেতাসকলৰ ধপাত জাত সামগ্ৰীসম্পৰ্কীয় বিজ্ঞাপনে মানুহক এই সামগ্ৰীবোৰ গ্ৰহণ কৰিবলৈ উৎসাহিত কৰিছে।
ৰাজনৈতিক বিশিষ্ট ব্যক্তি আৰু চেলিব্ৰেটীসকলৰ বিৰুদ্ধে তেওঁৰ আৱেদনৰ বাবে বাতৰিলৈ অহা হাছমীয়ে গুটখা আৰু পান মচলা বিজ্ঞাপনত যোগদান কৰিবলৈ সন্মত হৈ 'তেওঁৰ চেলিব্ৰিটি ষ্টেটাছ'ৰ অপব্যৱহাৰ কৰাৰ অভিযোগ অভিনেতাসকলৰ ভিতৰত ৰণবীৰ সিঙকো অন্তৰ্ভুক্ত কৰিছে। হাছমীয়ে তেওঁৰ আবেদনত অভিনেতাসকলৰ বিৰুদ্ধে ভাৰতীয় দণ্ডবিধিৰ ৩১১, ৪২০ আৰু ৪৬৭ আৰু ৪৬৮ ধাৰাৰ অধীনত এখন এজাহাৰ পঞ্জীয়ন কৰিবলৈ আৰক্ষীক আবেদন জনাইছে।
উল্লেখনীয় যে শেহতীয়াকৈ পান মচলা আৰু গুটখাৰ বিজ্ঞাপনক লৈ যথেষ্ট বিতৰ্ক হৈছিল। গুটখা বিজ্ঞাপনক লৈ ছচিয়েল মিডিয়াত চলচ্চিত্ৰ অভিনেতা অক্ষয় কুমাৰো বহুবাৰ চৰ্চালৈ আহিছে । অক্ষয় কুমাৰ, অজয় দেৱগান আৰু শ্বাহৰুখ খানৰ সৈতে পান মচলাৰ বিজ্ঞাপনত দেখা গৈছিল। একে সময়তে, আন এটা বিজ্ঞাপনত, তেওঁলোকক ধপাতৰ বিৰোধিতা কৰা দেখা গৈছে। যেতিয়া এই বিষয়ক লৈ বিতৰ্ক বাঢ়িছিল, তেতিয়াই অক্ষয়ে ক্ষমা বিচাৰিব লগা হৈছিল।
Continue Reading
