ডিজিটেল ডেস্কঃ মোদী চৰকাৰে প্ৰধানমন্ত্ৰী কিষাণ যোজনা আঁচনিলৈ এটা ভাল খবৰ দিবলৈ সাজু হৈছে। আঁচনিৰ ধনখিনি এই সপ্তাহৰ ভিতৰতে কৃষকৰ একাউণ্টত জমা হব। প্ৰধানমন্ত্ৰী কিষাণ যোজনাৰ ১১ তম কিস্তি মঙলবাৰে অৰ্থাৎ কাইলৈ কৃষকৰ একাউণ্টত জমা হব। প্ৰধানমন্ত্ৰী নৰেন্দ্ৰ মোদীয়ে মঙলবাৰে ১০ কোটিতকৈও অধিক কৃষকৰ একাউণ্টলৈ এই ধন প্ৰেৰণ কৰিব।
এই সন্দৰ্ভত দেওবাৰে কৃষি মন্ত্ৰালয়ে এক বিবৃতি প্ৰদান কৰে। প্ৰধানমন্ত্ৰী নৰেন্দ্ৰ মোদীয়ে হিমাচল প্ৰদেশৰ চিমলাৰ পৰা প্ৰধানমন্ত্ৰী কিষাণ যোজনাৰ ১১ তম কিস্তি মুকলি কৰিব। ইয়াৰ উপৰিও, প্ৰধানমন্ত্ৰীয়ে ভিডিঅ' কনফাৰেন্সৰ জৰিয়তে হিতাধিকাৰীসকলৰ সৈতে বাৰ্তালাপ কৰিব।
কৃষি মন্ত্ৰালয়ৰ মতে, "প্ৰধানমন্ত্ৰী কিষাণ সন্মান নিধি যোজনাৰ অধীনত চৰকাৰে একাদশ কিস্তিৰ বাবে ২১,০০০ কোটি টকা প্ৰদান কৰিব। লক্ষণীয় যে এই পিএম-কিষাণ আঁচনিৰ অধীনত হিতাধিকাৰীসকলে প্ৰতি বছৰে ৬,০০০ টকা লাভ কৰে। এই টকাখিনি ২০০০ টকাৰ কিস্তিত দিয়া হয়। এই আঁচনিৰ অধীনত, হিতাধিকাৰীসকলৰ একাউণ্টত পোনপটীয়াকৈ ধন জমা কৰা হয়। এই দিনটোত, ২০০০ টকাৰ হিচাপত ১০ কোটিৰো অধিক কৃষকৰ একাউণ্টত এই ধন জমা হ'ব।
পূৰ্বতে, এই আঁচনিৰ অধীনত এতিয়ালৈকে কৃষকৰ একাউণ্টত ১০ বাৰ কিস্তি দিয়া হৈছে। অন্তিম কিস্তি অৰ্থাৎ দশম কিস্তি ১ জানুৱাৰীত পৰিশোধ কৰা হৈছিল।
