ডিজিটেল ডেস্কঃ দেশৰ ৰাজধানী দিল্লীৰ পৰিস্থিতি বৰ্তমান আটাইতকৈ ভয়াৱহ। প্ৰদূষণৰ বাবে ইয়াত গ্ৰেপ-৪ প্ৰযোজ্য। আনকি উচ্চতম ন্যায়ালয়েও কয় যে যেতিয়ালৈকে প্ৰদূষণ হ্ৰাস নহয় তেতিয়ালৈকে ৰাজধানীত গ্ৰেপ-৪ বলবৎ থাকিব। উল্লেখ্য, গ্ৰেপ-৪ মানে অতি গুৰুতৰ প্ৰদূষণ। অৰ্থাৎ এনে পৰিস্থিতিত মাস্ক নোহোৱাকৈ ওলাই যোৱাটো স্বাস্থ্যৰ বাবে বিপদজনক হ’ব পাৰে।
দেশৰ ৰাজধানী দিল্লীক বিশ্বৰ অন্যতম প্ৰদূষিত চহৰ বুলি গণ্য কৰা হয়। শীতকালত ইয়াৰ বতাহ ইমানেই বিষাক্ত হৈ পৰে যে উশাহ-নিশাহ লোৱাটো কঠিন হৈ পৰে। এই প্ৰদূষণত ২.৫ পি এমৰ দৰে বিপজ্জনক কণা পোৱা যায়, যিবোৰে তেজত মিহলি হোৱাৰ পিছত মানুহক গুৰুতৰভাৱে অসুস্থ কৰি তোলে। উল্লেখ্য প্ৰদূষণে মানুহক অসুস্থ কৰাই নহয়, দেশৰ অৰ্থনীতিও নষ্ট কৰি আছে। প্ৰদূষণৰ বাবে দেশখন ইমান ক্ষতিৰ সন্মুখীন হৈছে যে সেয়া আপোনাৰ অকল্পিত।
ভাৰতত ক্ৰমবৰ্ধমান প্ৰদূষণে দেশৰ অৰ্থনীতিক গুৰুতৰভাৱে অসুস্থ কৰি তুলিছে। জাৰ্মান নিউজ ৱেবছাইট DW ত প্ৰকাশিত এক প্ৰতিবেদন অনুসৰি প্ৰদূষণৰ বাবে দেশখনে প্ৰতি বছৰে ৯৫ বিলিয়ন ডলাৰৰ লোকচানৰ সন্মুখীন হয়। এই সংখ্যা দেশৰ জিডিপিৰ প্ৰায় ৩ শতাংশ। দৰাচলতে ২০১৯ চনত ডালবাৰ্গ নামৰ এটা গ্ল’বেল কনচালটেন্সি ফাৰ্মে এই বিষয়ে গৱেষণা কৰি কৈছিল যে ভাৰতত প্ৰদূষণৰ বাবে ২০১৯ চনত ৯৫ বিলিয়ন ডলাৰৰ লোকচান হৈছে।
এই গৱেষণাৰ মতে প্ৰদূষণৰ বাবে মানুহৰ কৰ্ম উৎপাদনশীলতা কমি যায়, মানুহে ছুটী লয় আৰু কাল মৃত্যু হয়। ইয়াৰ বাহিৰেও দেশৰ বাৰ্ষিক স্বাস্থ্য ব্যয়ও প্ৰায় দুগুণ বৃদ্ধি পায়। প্ৰদূষণৰ ফলত হোৱা স্বাস্থ্যজনিত সমস্যাৰ বাবে মানুহে বজাৰ আৰু ৰেষ্টুৰেণ্টলৈ কমকৈ গৈ আছে, যাৰ বাবে দেশখনে বছৰি ২২ বিলিয়ন ডলাৰৰ লোকচানৰ সন্মুখীন হ’বলগীয়া হৈছে।
Continue Reading
