--°C
Loading...
Listen to Article
2 min read
80%
ডিজিটেল ডেস্ক : পাকিস্তানী অভিনেতা ফাৱাদ খান অভিনীত হিন্দী ৰোমান্টিক-কমেডী ছবি ‘আবিৰ গুলাল’ ভাৰতত নিষিদ্ধ হ’ব বুলি চৰকাৰী সূত্ৰই প্ৰকাশ কৰিছে।

সূত্ৰসমূহে জনোৱা মতে, কাশ্মীৰলৈ অহা ২৬ জনৰো অধিক পৰ্যটকৰ মৃত্যু হোৱা পেহেলগামত সংঘটিত হোৱা আক্ৰমণক লৈ দেশজুৰি ক্ষোভৰ প্ৰতি লক্ষ্য ৰাখি মুক্তি স্থগিত ৰখাৰ সিদ্ধান্ত লোৱা হৈছে।

শেহতীয়াকৈ পাকিস্তানী শিল্পীৰ ওপৰত নিষেধাজ্ঞা আৰোপ কৰাৰ আহ্বান পুনৰবাৰ উত্থাপন কৰা ফেডাৰেচন অৱ ৱেষ্টাৰ্ণ ইণ্ডিয়া চিনে এম্প্লয়িজ (এফ ডব্লিউ আই চি ই)য়েও তেওঁলোকৰ সৈতে সহযোগিতা কৰা চলচ্চিত্ৰ নিৰ্মাতাসকলৰ বিৰুদ্ধে ব্যৱস্থা গ্ৰহণৰ হুংকাৰ দিয়ে।

এই বক্তব্যই ছবিখনৰ মুক্তিক লৈ অনিশ্চয়তাৰ সৃষ্টি কৰিছে। "আবিৰ গুলাল" ছবিখন অহা ৯ মে'ত ছবিগৃহত মুক্তি পোৱাৰ কথা আছিল। আৰতি এছ বাগদীৰ পৰিচালনাত নিৰ্মিত এই ছবিখনৰ প্ৰযোজক হৈছে ইণ্ডিয়ান ষ্ট’ৰীজ, এ ৰিচাৰ লেন্স আৰু অৰ্জয় পিকচাৰ্ছ। মঙলবাৰে ছবিখনৰ মুক্তিৰ তাৰিখ ঘোষণা কৰি নিৰ্মাতাসকলে এটা টিজাৰ মুকলি কৰে।

এই মাৰাত্মক সন্ত্ৰাসবাদী আক্ৰমণৰ পিছতে ছ’চিয়েল মিডিয়াত শোক প্ৰকাশ কৰে ফাৱাদ খান আৰু বানী কাপুৰে। তেওঁৰ আগন্তুক ছবিখনত নিষেধাজ্ঞা আৰোপ কৰাৰ দাবী ক্ৰমাৎ বৃদ্ধি পোৱাৰ মাজতে দক্ষিণ কাশ্মীৰত সংঘটিত সন্ত্ৰাসবাদী আক্ৰমণত তেওঁ গভীৰ দুখ আৰু স্তম্ভিত হৈ পৰিছে বুলিও কয়।

ফাৱাদ খানে ইনষ্টাগ্ৰামত লিখিছে, "পেহেলগামত সংঘটিত জঘন্য আক্ৰমণৰ খবৰ পাই গভীৰভাৱে দুখী হৈছো। আমাৰ চিন্তা আৰু প্ৰাৰ্থনা এই ভয়ংকৰ কাণ্ডৰ বলি হোৱা লোকসকলৰ সৈতে আছে আৰু আমি এই কঠিন সময়ত তেওঁলোকৰ পৰিয়ালৰ বাবে শক্তি আৰু নিৰাময়ৰ বাবে প্ৰাৰ্থনা কৰিছো।"

কাপুৰেও ইনষ্টাগ্ৰামত এটা পোষ্টৰ জৰিয়তে একেধৰণৰ আৱেগ শ্বেয়াৰ কৰে। তেওঁ লিখিছে, "পেহেলগামত নিৰীহ লোকৰ ওপৰত হোৱা আক্ৰমণৰ কথা পঢ়াৰ পৰাই মই স্তম্ভিত হৈ পৰিছো। মোৰ প্ৰকাশ কৰিবলৈ শব্দ নাই।মোৰ প্ৰাৰ্থনা ভুক্তভোগীৰ পৰিয়ালৰ সৈতে।"

FWICE-এ জাৰি কৰা এক বিবৃতিত কোৱা হৈছে, "শেহতীয়াকৈ পেহেলগামত সংঘটিত আক্ৰমণৰ পিছত FWICE-এ পুনৰবাৰ যিকোনো ভাৰতীয় ছবি বা মনোৰঞ্জন প্ৰকল্পত অংশগ্ৰহণ কৰা সকলো পাকিস্তানী শিল্পী, গায়ক আৰু কাৰিকৰী বিদ্যাবিদক সম্পূৰ্ণ বৰ্জনৰ আহ্বান জনাবলৈ বাধ্য অনুভৱ কৰিছে। ইয়াৰ ভিতৰত বিশ্বৰ যিকোনো ঠাইতে কৰা অভিনয় বা সহযোগিতাও অন্তৰ্ভুক্ত।"


FOLLOW US F
POPULAR
FEATURE
TRENDY
অসম চৰকাৰৰ উদ্যোগত অসমৰ প্ৰাক্তন মুখ্যমন্ত্ৰী গোলাপ বৰবৰাৰ জন্ম শতবাৰ্ষিকী অনুষ্ঠান
যৌতুকৰ বাবে মহিলাৰ মৃত্যু! ওলমি থকা অৱস্থাত উদ্ধাৰ সন্তানসম্ভৱা ইঞ্জিনীয়াৰৰ শৱদেহ
ভাৰতীয় দম্পতীক তিনিটাকৈ সন্তান জন্ম দিয়াৰ আহ্বান
আই এম এফৰ কাৰ্যবাহী সঞ্চালক হিচাপে নিযুক্তি আৰ বি আইৰ প্ৰাক্তন গৱৰ্ণৰ উৰ্জিত পেটেলক
নির্বাচনী ডংকা বজাবলৈ আহিল অমিত শ্বাহ
৩১ আগষ্টত জিনপিঙৰে দ্বিপাক্ষিক বৈঠক প্রধানমন্ত্রী মোদীৰ
পৰকীয়া প্ৰেম! বিবাহিতা মহিলাৰ মুখত বিস্ফোৰক পাউডাৰ ঢালি দি হত্যা কৰিলে প্ৰেমিকে
হানীট্ৰেপিঙৰ চিকাৰ প্ৰতিষ্ঠিত সুৰা ব্যৱসায়ী! ৫ পৃষ্ঠাৰ ছুইচাইড নোট লিখি চৰম পন্থা গ্ৰহণ
৩১ আগষ্টত জিনপিঙৰে দ্বিপাক্ষিক বৈঠক প্রধানমন্ত্রী মোদীৰ
নির্বাচনী ডংকা বজাবলৈ আহিল অমিত শ্বাহ
আই এম এফৰ কাৰ্যবাহী সঞ্চালক হিচাপে নিযুক্তি আৰ বি আইৰ প্ৰাক্তন গৱৰ্ণৰ উৰ্জিত পেটেলক
ভাৰতীয় দম্পতীক তিনিটাকৈ সন্তান জন্ম দিয়াৰ আহ্বান
যৌতুকৰ বাবে মহিলাৰ মৃত্যু! ওলমি থকা অৱস্থাত উদ্ধাৰ সন্তানসম্ভৱা ইঞ্জিনীয়াৰৰ শৱদেহ
অসম চৰকাৰৰ উদ্যোগত অসমৰ প্ৰাক্তন মুখ্যমন্ত্ৰী গোলাপ বৰবৰাৰ জন্ম শতবাৰ্ষিকী অনুষ্ঠান