ডিজিটেল ডেস্কঃ ইজৰাইল-পেলেষ্টাইনৰ মাজত যুদ্ধ চলি থকাৰ মাজতে আজি ভাৰতৰ প্ৰধানমন্ত্ৰী নৰেন্দ্ৰ মোদীয়ে পেলেষ্টাইনৰ ৰাষ্ট্ৰপতি মাহমুদ আব্বাছৰ সৈতে ফোনত কথা পাতে। ফোনত মোদীয়ে পেসেষ্টাইনক সকলো ধৰণৰ সহায়ৰ আশ্বাস দিয়ে। উল্লেখ্য বোমা বৰ্ষণত আহতসকলক গাজাৰ আল-আহলি আৰৱ চিকিৎসালয়ত চিকিৎসা কৰা হৈছে।
গাজাৰ এখন চিকিৎসালয়ত হোৱা বোমা বৰ্ষণৰ ফলত ৫০০ ৰো অধিক লোক নিহত হৈছে। এই বোমা বৰ্ষণৰ দায়িত্ব এতিয়ালৈকে কোনেও স্বীকাৰ কৰা নাই। প্ৰধানমন্ত্ৰী মোদীয়ে এই ঘটনাত শোক প্ৰকাশ কৰে। ইপিনে ঘটনাটোৰ বাবে ইজৰাইলক দোষাৰোপ কৰা হৈছে, কিন্তু তেল আভিভে এই অভিযোগ অস্বীকাৰ কৰিছে।
মোদীয়ে আব্বাছৰ সৈতে হোৱা টেলিফোনিক বাৰ্তালাপৰ সময়ত সন্ত্ৰাসবাদ আৰু হিংসাৰ বিৰুদ্ধে ভাৰতে সদায় থিয় দিব বুলি কথা দিয়ে। বুধবাৰে প্ৰধানমন্ত্ৰী শ্ৰী নৰেন্দ্ৰ মোদীয়ে কৈছিল যে গাজাৰ বিস্ফোৰণত তেওঁ গভীৰভাৱে দুখিত। কিন্তু এতিয়ালৈকে তেওঁ ইজৰাইলক ইয়াৰ বাবে দোষাৰোপ কৰা নাই।
গাজাৰ চিকিৎসালয়ত হোৱা আক্ৰমণে সমগ্ৰ বিশ্বতে শোকৰ ছাঁ পেলাইছে। হামাছে এই আক্ৰমণৰ বাবে ইজৰাইলী সামৰিক বাহিনীকে দোষাৰোপ কৰিছে। কিন্তু ইজৰাইলে কোনো পধ্যে তেনে অভিযোগ মানি ল’ব বিচৰা নাই। পূৰ্বে ভাৰতে এইবুলি কৈছিল যে শান্তি স্থাপনৰ স্বাৰ্থতে ভাৰতে স্বাধীন পেলেষ্টাইনৰ দাবীৰ প্ৰতি সমৰ্থন জনাই যাব।
Continue Reading
