--°C
Loading...
Listen to Article
2 min read
80%
ডিজিটেল ডেস্কঃ চেন্নাইৰ প্লে’ অফত প্ৰৱেশৰ সপোন সপোন হৈয়ে ৰ’ল। চূড়ান্ত বেটিং পতনত চিএছকেই মাত্ৰ ৯৭ ৰানতে ইনিংছ সামৰে। চেন্নাইয়ে বান্ধি দিয়া ৰান চেজ কৰিবলৈ গৈ মুম্বাইয়ে ৩১টা বল বাকী থাকোতেই ৫ উইকেট জয়ী হয়। আইপিএলৰ ক্লাচিক দল চেন্নাইৰ এনে বেটিং বিপৰ্যয়ে এতিয়া উদ্বিগ্ন কৰি তুলিছে সকলোকে। দ্বিতীয় কম স্কোৰিং ইনিংছৰ গৰাকী হ’ল চেন্নাই! মুম্বাই আগতেই নকআউট পৰ্যায়ৰ পৰা বাহিৰ হয়। চেন্নাইৰ আশা সজীৱ হৈ আছিল যদিও সেই আশাই পূৰ্ণ ৰূপ নাপালে। চেন্নাইয়ে বাকী থকা মেচকেইখনত জয়ী হ’লে প্লে’ অফত প্ৰৱেশৰ আশাত যতি নপৰিলেহেঁতেন। এনে পৰিস্থিতিত মুম্বাইয়ে চেন্নাইক পৰাস্ত কৰি একপ্ৰকাৰ ধোনীবাহিনীৰ যাত্ৰা ভংগ কৰা দেখা গ’ল।

ডেনিয়েল ছেমছ-ৰিলি মেৰেডিথছৰ বলিং বিক্ৰমত মাত্ৰ ৯৭ ৰানতে ইনিংছ সামৰে তেওঁ। মাত্ৰ ১৬ অ’ভাৰৰে সমাপ্ত চেন্নাইৰ ইনিংছ। প্ৰথম অ’ভাৰতে চেমছে ডেভন কনৱে আৰু মইন আলীক পেভেলিয়নমুখী কৰে। দ্বিতীয়, অ’ভাৰত বুমৰাহৰ চিকাৰ হৈছিল ৰবীন উথাপ্পা। প্ৰথম দুই অ’ভাৰত টপ অৰ্ডাৰ ভাঙি যোৱাৰ পাছত ক্ৰমশঃ কঠিন হৈ পৰে চেন্নাইৰ যাত্ৰা। ঋতুৰাজ গায়কৱাড়, অম্বাতি ৰায়াডু, শিৱম দুবেৰো ইনিংছ দীঘলীয়া নহ’ল।

বিশ্লেষণ চলি থকা সময়ত চেন্নাইয়ে আইপিএলত আটাইতকৈ লজ্জাজনক স্ক’ৰৰ অভিলেখ গঢ়িব নেকি বুলি প্ৰশ্ন উঠা সময়তে দলটোক চুড়ান্ত বিপৰ্যয়ৰ পৰা ৰক্ষা কৰিছিল মহেন্দ্ৰ সিং ধোনীয়ে। ৩৩ টা বলত ৩৬ ৰান কৰে ধোনীয়ে। 

মুম্বাইৰ চেমছে ৪ অ’ভাৰত মাত্ৰ ১৬ ৰানৰ বিনিময়ত ৩ টা উইকেট দখল কৰে। ৰাইলী মেৰেডিথ আৰু কুমাৰ কাৰ্তিকেয়াই দুটাকৈ উইকেট দখল কৰে। এইখিনি ৰান চেজ কৰিবলৈ গৈয়ো এসময়ত পৰাজয়ৰ আশংকা জগাই তুলিছিল ৰোহিত বাহিনীয়ে। ৩৩ৰানত হেৰুৱায় ৪টাকৈ মূল্যবান উইকেট।  মুকেশ চৌধুৰীয়ে অকলে ৩টা উইকেট লৈ চেন্নাইৰ আশা সজীৱ কৰি তুলে যদিও শেষ ৰক্ষা নহ’ল চেন্নাইৰ।



FOLLOW US F
POPULAR
FEATURE
TRENDY
টিংখাঙত শোকাৱহ পথ দুৰ্ঘটনা! দুচকীয়া বাহনৰ মুখামুখি সংঘৰ্ষত দুজন নিহত, আহত দুজন
সাৱধান লখিমপুৰ সীমান্তবাসী!  অসম-অৰুণাচল সীমান্তত চলিব বোমা বিস্ফোৰণ, ৰকেট, গুলীচালনাৰ অনুশীলন
ঘৰ নিৰ্মাণ কৰাৰ পূৰ্বে জানি লওক ৯টা অতি প্ৰয়োজনীয় পাকঘৰৰ বাস্তু বিধান
মৈৰাবাৰী মহাবিদ্যালয়ত ছাত্র একতা সভাৰ সম্পাদকক শাৰীৰিক আক্ৰমণ প্ৰাক্তন ছাত্রৰ
সঘনাই মূৰৰ বিষ হয় যদি নকৰিব আওকাণ ! ই ইংগিত দিয়ে এই ৬ টা গুৰুতৰ ৰোগৰ...
নুমলীগড় শোধনাগাৰৰ বিৰুদ্ধে এন জি টিৰ গোচৰ
প্ৰয়াত স্বামীৰ প্ৰাপ্য অধিকাৰ বিচাৰি আদ্যশ্ৰাদ্ধৰ আগদিনা প্ৰতিবাদত নামিল দুৰ্ভগীয়া পত্নী
মায়ঙত সৰ্প দংশনত মৃত্যু ৭ বছৰীয়া শিশুৰ
আগমনিত ছাগলী চোৰৰ বিলৈ; বিলাসী বাহনেৰে ছাগলী চুৰি কৰি ৰাইজৰ ৰোষত দুই চোৰ
ভতুৱা কুকুৰক চোৱা-চিতা নকৰাৰ বাবে দিল্লী চৰকাৰ, পৌৰ নিগমক সমালোচনা
ডুৰাণ্ড কাপৰ ছেমিফাইনেললৈ প্ৰৱেশ শ্বিলং লাজং এফ.চিৰ
পাকিস্তান হৈ পৰিল হাঁহিৰ পাত্ৰ ; ভাৰতৰ বিৰুদ্ধে কাল্পনিক জয়ৰ বাবে বিতৰণ কৰিলে ৪৮৮ টা পদক
উত্তৰ গুৱাহাটীত দুখনকৈ উন্নত মানৰ ক্ৰীড়া একাডেমী মুকলি কৰে মুখ্যমন্ত্ৰী ড° হিমন্ত বিশ্ব শৰ্মাই
এগুণক দুগুণ টকা দিয়াৰ প্ৰলোভন দেখুৱাই নকল টকাৰ ৰমৰমীয়া ব্যৱসায়