পুনৰ আৰম্ভ হোৱাৰ দিশে আই পি এল!

 পূৰ্বে ২৫ মে’ত অনুষ্ঠিত হ’বলগীয়া চূড়ান্ত খেলখন এতিয়া ৩০ মে’ত অনুষ্ঠিত হ’ব।

ইণ্ডিয়ান এক্সপ্ৰেছৰ মতে, বিচিচিআইয়ে এতিয়া আইপিএল ৩০ মে’লৈ পৰিকল্পনা কৰিছে।বিচিচিআইয়ে ১৬ মে’ৰ পৰা লীগৰ বাকী থকা মেচসমূহ তিনিটা স্থানত আয়োজন কৰাৰ পৰিকল্পনা কৰিছে।এই ছিজনত মুঠ ১৬টা স্থানত খেল অনুষ্ঠিত হ’ব আৰু এই মেচসমূহ চেন্নাই, বেংগালুৰু আৰু হায়দৰাবাদত অনুষ্ঠিত হ’ব পাৰে। এই ছিজনৰ নতুন সূচী দেওবাৰে নিশাৰ ভিতৰত আই পি এলৰ ফ্ৰেঞ্চাইজিৰ বাবে মুকলি কৰা হ’ব। অৱশ্যে বহু দলৰ বিদেশী খেলুৱৈ ঘৰলৈ উভতি গৈছে আৰু তেওঁলোকক ঘূৰাই অনাটো এক ডাঙৰ প্ৰত্যাহ্বান হ’ব।

বিচিচিআইৰ এক সূত্ৰই ইণ্ডিয়ান এক্সপ্ৰেছৰ সৈতে কথা পতাত কয় যে আইপিএল এসপ্তাহৰ বাবে পিছুৱাই দিয়া হৈছে, গতিকে এতিয়া ২৫ মে’ৰ পৰিৱৰ্তে ৩০ মে’ত চূড়ান্ত খেল অনুষ্ঠিত হ’ব আৰু বাকী মেচসমূহ সীমিত স্থানতহে আয়োজন কৰা হ’ব। দেওবাৰে নিশাৰ ভিতৰত সকলো দললৈ প্ৰেৰণ কৰা হ’ব সূচী। এই ছিজনত ১২খন লীগ মেচ আৰু ৪খন প্লে অফ মেচ বাকী আছে আৰু এই প্ৰতিযোগিতাখন সম্পূৰ্ণ কৰিবলৈ ২ সপ্তাহ বাকী আছে, গতিকে আৰু ডাবল হেডাৰ মেচ থাকিব পাৰে। আনহাতে, ফ্ৰেঞ্চাইজিটোৱে নিজৰ দলৰ বিদেশী খেলুৱৈসকলক পুনৰ মাতি অনাৰ ব্যৱস্থা কৰিছে।