সাংসদ প্ৰিয়া সৰোজ আৰু ক্ৰিকেটাৰ ৰিংকু সিঙৰ বিয়াৰ তাৰিখ খাটাং

 চলিত বৰ্ষৰ জানুৱাৰী মাহত সমাজবাদী পাৰ্টিৰ সাংসদগৰাকীৰ সৈতে ক্ৰিকেটাৰ ৰিংকু সিঙৰ সম্পৰ্ক নিশ্চিত হৈছিল। 

ৰিংকুৰ হ’বলগীয়া পত্নী হৈছে সমাজবাদী পাৰ্টিৰ সাংসদ প্ৰিয়া সৰোজ। ২৬ বছৰীয়া সৰোজে ২০২৪ চনৰ লোকসভা নিৰ্বাচনত সমাজবাদী পাৰ্টিৰ টিকটত মাছলিশ্বহৰ আসনৰ পৰা জয়লাভ কৰিছিল। বি পি সৰোজক ৩৫৮৫০ ভোটৰ ব্যৱধানত পৰাস্ত কৰে। ১৯৯৮ চনৰ ২৩ নৱেম্বৰত বাৰাণসীত জন্মগ্ৰহণ কৰিছিল প্ৰিয়া সৰোজে।

প্ৰিয়াই নতুন দিল্লীৰ এয়াৰ ফৰ্চ গোল্ডেন জুবলী ইনষ্টিটিউটৰ পৰা স্কুলীয়া শিক্ষা সমাপ্ত কৰিছিল। ইয়াৰ পিছত দিল্লী বিশ্ববিদ্যালয়ৰ পৰা কলা বিষয়ত স্নাতক ডিগ্ৰী লাভ কৰে। তাৰ পিছত নয়ডাৰ এমিটি ইউনিভাৰ্চিটিৰ পৰা এল এল বি ডিগ্ৰী লাভ কৰে। প্ৰিয়া সৰোজৰ পিতৃ টুফানী সৰোজেও তিনিবাৰকৈ লোকসভাৰ সাংসদ হৈ আহিছে। বৰ্তমান সমাজবাদী পাৰ্টিৰ টিকটত কেৰাকাট আসনৰ পৰা বিধায়ক হিচাপে কৰ্মৰত হৈ আছে টুফনী সৰোজ।

উল্লেখ্য যে প্ৰিয়া সৰোজ ভাৰতৰ আটাইতকৈ কম বয়সীয়া মহিলা সাংসদ। প্ৰিয়া লোকসভালৈ নিৰ্বাচিত হোৱাৰ সময়ত তেওঁৰ বয়স আছিল ২৫ বছৰ ৬ মাহ ১২ দিন।