শীতত আপুনি ফুৰিবলৈ যাব নেকি ? বেগ পেকিং কৰাৰ আগতে বিভিন্ন ৰাজ্যৰ ক'ভিড নিয়মাৱলী জানি লওক

ডিজিটেল ডেস্ক : ভাৰতৰ বেছিভাগ ৰাজ্যই ১ নৱেম্বৰৰ পৰা ভ্ৰমণৰ সীমাবদ্ধতা অলপ শিথিল কৰিছে। কিন্তু কিছুমান ৰাজ্য এতিয়াও ক'ভিড সংক্ৰমণৰ প্ৰতি সতৰ্ক হৈ আছে। সেই ৰাজ্যসমূহত কিছুমান প্ৰতিবন্ধকতা এতিয়াও আছে। ইয়াৰ ফলত বাকী ৰাজ্যসমূহৰ তুলনাত সেই ৰাজ্যসমূহ ভ্ৰমণ কৰাত সমস্যা হ'ব পাৰে। সেয়েহে এই শীতকাল ভ্ৰমণ কৰাৰ পৰিকল্পনা কৰাৰ আগতে, ৰাজ্যসমূহত লাঘৱ হোৱা ক'ভিড নীতিৰ বিষয়ে আপুনি জানি লোৱাটো প্ৰয়োজন৷

কৰ্ণাটকঃ মহাৰাষ্ট্ৰত বৰ্ধিত ক'ভিড সংক্ৰমণৰ বাবে কৰ্ণাটক চৰকাৰে শেহতীয়াকৈ ৰাজ্যখনৰ সীমান্ত অঞ্চলসমূহত নতুন নিষেধাজ্ঞা ঘোষণা কৰিছে। ঘোষণাটোত কোৱা হৈছিল যে, চুবুৰীয়া ৰাজ্যসমূহৰ পৰা অহা লোকসকলক বিশেষ নিৰীক্ষণৰ অধীনত ৰখা হ'ব, বিশেষকৈ যেতিয়া মুম্বাইৰ যিকোনো লোকে ৰাজ্যখন ভ্ৰমণ কৰিবলৈ আহে তেওঁলোকৰ ওপৰত তীক্ষ্ণ নজৰ দিব। আপুনি যদি মায়ানগৰী মুম্বাই হৈ আন ৰাজ্যলৈ ভ্ৰমণ কৰিবলৈ খুজিছে তেনেহ'লে সাৱধানতা অৱলম্ভন কৰাটো বাঞ্চনীয়৷

অসমঃ যিসকলে দুয়োটা কৰ'না ভেকছিন সম্পূৰ্ণ কৰিছে৷ তেনহ'লে আপুনি অসমলৈ অহাত কোনো বাধা নাপায়। ৰাজ্যখনে নৱেম্বৰৰ পৰা ক'ভিডৰ সীমাবদ্ধতা শিথিল কৰিছে।

পশ্চিম বংগঃ পশ্চিম বংগলৈ অহা সকলো বিমান যাত্ৰীৰ কৰ'না টিকা প্ৰমাণপত্ৰ থাকিব লাগিব। ৭২ ঘণ্টাৰ ভিতৰত কৰা কৰ'না টেষ্টৰ ৰিপ'ৰ্ট থকাটো বাঞ্চনীয়। উল্লেখ্য যে, পশ্চিম বংগ চৰকাৰে ৰাজ্যখনলৈ সপ্তাহত তিনিদিনকৈ পুনে, নাগপুৰ আৰু আহমেদাবাদৰ বিমান নিষিদ্ধ কৰিছে৷

উত্তৰাখণ্ড: উত্তৰাখণ্ড চৰকাৰে ২০ নৱেম্বৰৰ পৰা কৰ'নাভাইৰাছৰ নিষেধাজ্ঞা উঠাই লৈছে। যিকোনো জিলাত প্ৰৱেশ কৰাৰ আগতে পৰ্যটকসকলে ৱেব পৰ্টেল স্মাৰ্ট চিটিত নাম ভৰ্তি কৰিব লাগিব। ইয়াৰ উপৰিও, ভ্ৰমণ কৰিবলৈ অহা লোকজনৰ কৰ'নাৰ টেষ্টৰ ফলাফল নিগেটিভ হোৱাটো প্ৰয়োজনীয়৷

আন্দামান আৰু নিকোবৰ দ্বীপপুঞ্জ: আন্দামান আৰু নিকোবৰ দ্বীপপুঞ্জত এতিয়াও কৰ'নাৰ নিষেধাজ্ঞা আছে। পৰ্যটকসকলৰ বাবে কৰ'নাৰ দুটা টিকা প্ৰমাণপত্ৰ থকাটো বাধ্যতামূলক।