সকলো পুৰোহিতেই কৰিলে অস্বীকাৰ!উপায় নাপায় টেপত মন্ত্ৰ লগাই নিজকে বিয়া পাতিলে ক্ষমা বিন্দুৱে

পুৰোহিত বিচাৰি বিচাৰি ক্ষমা বিন্দু হায়ৰাণ হৈ পৰে কাৰণ সকলো পুৰোহিতেই এই বিয়া পাতি দিবলৈ অস্বীকাৰ কৰে। মন্দিৰত বিয়া পাতিম বুলি ভবা ক্ষমাক কোনো মন্দিৰ কৰ্তৃপক্ষই নিদিলে বিবাহৰ স্থান।আনকি তেওঁ ক'তো বুকিং কৰিবলৈ নাপালে এটা বিবাহ ভৱন। সকলোতে বিমুখ হৈ ক্ষমা বিন্দুৱে ঘৰতে বিয়া পতাৰ সিদ্ধান্ত লয়। বিতৰ্ক আৰু বিৰোধিতা বাঢ়ি অহা দেখি ক্ষমা বিন্দুৱে ১১ জুনত বিয়া নাপাতি ৮ জুন, বুধবাৰে ঘৰতে দৰা আৰু পুৰোহিত অবিহনে বিয়াখন পাতি পেলায়। কোনো পুৰোহিত এই বিয়াত উপস্থিত নোহোৱাত উপায় নাপাই ক্ষমা বিন্দুৰ পৰিয়ালে টেপত মন্ত্ৰ লগাই বিয়াৰ মন্ত্ৰোচাৰণ কৰে। নিজৰ শিৰত নিজেই সেন্দুৰ লগায় ক্ষমাই।

ক্ষমাই জনোৱা মতে, ''১১ জুনত কোনোবাই আমাৰ ঘৰলৈ আহি আমাৰ ঘৰত বিবাদ সৃষ্টি কৰিব পাৰে, সেই ভয়তে এই বিয়াখন নিৰ্ধাৰিত তাৰিখতকৈ আগুৱাই ৮ জুনত পাতিলো। মই মোৰ এই নিজৰ বিশেষ দিনটো নষ্ট কৰিব নিবিচাৰো। গতিকে আগতীয়াকৈ বিয়াখন পাতি পেলোৱা ভাল বুলি ভাবিলো। মই এই বিয়া আইনগতভাৱেও পঞ্জীয়ন কৰিম। এইটো সঁচা যে এই সম্পৰ্কে ভাৰতত কোনো আইন নাই কিন্তু এনে বিবাহো অবৈধ নহয়। গতিকে মই পঞ্জীয়নৰ বাবে আবেদন কৰিম, চাওঁ কি হয়।'' 

ক্ষমা বিন্দুৰ এই বিয়াই হিন্দুত্ববাদক তীব্ৰ আঘাত সনা বুলি কৈ ভগৱানে ক্ষমা বিন্দুক কেতিয়াও ক্ষমা নকৰে বুলিও মন্তব্য কৰিছে অনেক লোকেই।