সংগীত হ’ব পাৰে মানসিক সকাহ; পেলেষ্টাইনৰ শিশুৰ বাবে গান উছৰ্গা কৰি কি ক’লে বিশাল দাদলানিয়ে?

বিশাল দাদলানীয়ে পেলেষ্টাইন-ইজৰাইল যুদ্ধৰ মাজত গাজাৰ শিশুসকলৰ বাবে গান উছৰ্গা কৰিছে। দাদলানিয়ে কয়, শিশু হিচাপে এই গানটো শুনা মনত আছে। গাজাৰ শিশুসকলৰ বাবে গাইছোঁ এই গান। আৰু হয়, ইজৰাইলৰ শিশুসকলৰ বাবেও। নিৰীহ লোকৰ ওপৰত যুদ্ধই অধিক ক্ষতি সাধন কৰে, কিয়নো তেওঁলোকে এনে ধৰণৰ ভয়াৱহতাৰ যোগ্য হ’বলৈ একো কৰা নাছিল৷

দিয়া মিৰ্জা, চেলিম মাৰ্চেণ্ট, মণিকা ডোগ্ৰা আৰু কেইবাগৰাকীও বলীউডৰ চেলিব্ৰেটীয়ে বিশালৰ চিন্তা প্ৰশংসা কৰিছে।

উল্লেখযোগ্য যে, ৭ অক্টোবৰৰ পুৱা হামাছৰ সন্ত্ৰাসবাদীয়ে ইজৰাইলৰ ওপৰত আকস্মিক আক্ৰমণ চলাইছিল। তেওঁলোকে দক্ষিণ ইজৰাইলৰ কিছু অংশত অনুপ্ৰৱেশ কৰিছিল, আৰু একেসময়তে গাজা ষ্ট্ৰিপৰ পৰা এক নিৰন্তৰ ৰকেট আক্ৰমণ কৰিছিল। ইজৰাইলে তেতিয়া পেলেষ্টাইনৰ ওপৰত প্ৰতিশোধমূলক আক্ৰমণ চলাইছিল। বুধবাৰে ইজৰাইল আৰু হামাস সন্ত্ৰাসবাদীৰ মাজত যুদ্ধ পঞ্চম দিনত প্ৰৱেশ কৰিছিল। ইজৰাইলৰ ওপৰত হামাছৰ অভূতপূৰ্ব আক্ৰমণ আৰু গাজাত প্ৰতিশোধমূলক বিমান আক্ৰমণৰ সন্মিলিত মৃত্যুৰ সংখ্যা এতিয়ালৈকে ৩,০০০ৰ ঘৰ অতিক্ৰম কৰিছে।