সন্ত্ৰাসবাদ পাকিস্তানৰ সুচিন্তিত যুদ্ধ কৌশল

তেওঁলোকৰ কফিন পাকিস্তানী পতাকাৰে ঢাকি দিয়া হৈছে আৰু সেনাই তেওঁলোকক ছেলুট দিছে। এইটোৱে প্ৰমাণ কৰে যে এই সন্ত্রাসবাদী কার্যকলাপ কেৱল প্রক্সি যুদ্ধ নহয়, এয়া হৈছে তেওঁলোকৰ সুচিন্তিত যুদ্ধ কৌশল।' তেওঁ আৰু কয়, 'তেওঁলোকে যদি যুদ্ধত লাগি থাকে, তেতিয়া যথোচিতভাৱে প্রত্যুত্তৰ দিয়া হ'ব।' মোদীয়ে আৰু কয়, 'বিভাজনৰ সময়ত মা ভাৰতীক দুভাগত ভাগ কৰা হ'ল আৰু সেই ৰাতিয়েই কাশ্মীৰত প্ৰথমটো সন্ত্রাসবাদী আক্রমণ আৰম্ভ কৰিলে মুজাহিদীনে। এই সন্ত্রাসবাদীৰ সহায়ত পাকিস্তানে মা ভাৰতীৰ এটা অংশ দখল কৰিলে। চৰ্দাৰ পেটেলে পৰামৰ্শ দিছিল যে পাকিস্তান অধিকৃত কাশ্মীৰ পুনৰ নিজৰ হাতলৈ ননালৈকে ভাৰতীয় সেনা ক্ষান্ত হোৱা উচিত নহয়। কিন্তু পেটেলৰ পৰামৰ্শলৈ কাণ দিয়া নহ'ল।' সভাত মোদীয়ে আওপকীয়াকৈ ভাৰতত চীনৰ সামগ্ৰীৰ বজাৰক লৈও ৰাইজক সজাগ কৰে। আত্মনিৰ্ভৰশীল ভাৰতৰ বাবে মোদীয়ে 'মে'ড ইন ইণ্ডিয়া' (ভাৰতত নির্মিত, প্রস্তুত) সামগ্রীত অগ্ৰাধিকাৰ দিবলৈ আৰু বিশেষকৈ হোলী, দেৱালী আৰু গণেশ পূজাৰ সময়ত আমদানিকৃত সামগ্রীত নিৰ্ভৰশীলতা হ্রাস কৰিবলৈ আহ্বান জনায়। 

ভাৰতীয় বজাৰত বানৰ সৃষ্টি কৰা চীনা সামগ্রীক আওপকীয়াকৈ সমালোচনা কৰি মোদীয়ে কয়, 'আনকি গণেশৰ মূৰ্তিও বিদেশৰ পৰা আহে, সৰু সৰু চকুৰ গণেশৰ মূর্তি, যাৰ চকু ভালকৈ মেলেই নাখায়। আনকি হোলীৰ ৰংবোৰো বিদেশত প্রস্তুত।' তেওঁ উপস্থিত জনসাধাৰণক কয়, 'যিমানেই লাভ নহওক কিয়, বিদেশী সামগ্রী বিক্রী নকৰোঁ বুলি অংগীকাৰবদ্ধ হ'বলৈ আমি গাঁৱৰ বেপাৰীসকলক উৎসাহিত কৰিব লাগিব।' প্রধানমন্ত্রী মোদীয়ে উপস্থিত শ্রোতা-দর্শকক নিজৰ দৈনন্দিন ব্যৱহৃত সামগ্ৰীৰ বিষয়েও সচেতন হ'বলৈ কয়। তেওঁ কয়, 'এজন নাগৰিক হিচাপে আপোনালোকৰ বাবে মই এটা কাম দিছোঁ- ঘৰলৈ যাওক আৰু আপোনালোকে ২৪ ঘণ্টা ব্যৱহাৰ কৰা সামগ্ৰীবোৰৰ এখন তালিকা কৰক। 

আপোনোলোকে উপলব্ধি নকৰে, কিন্তু হেয়াৰপিন, ফণীও বিদেশত নির্মিত। সকলো নাগৰিকৰ সমূহীয়া দায়িত্বৰ আহ্বান জনাই তেওঁ কয়, 'যদি আমি ভাৰতক ৰক্ষা কৰিবলৈ বিচাৰোঁ, ভাৰতক গঢ়িবলৈ বিচাৰোঁ, ভাৰতৰ বিকাশ ঘটাটো বিচাৰোঁ, তেতিয়া অপাৰেশ্যন সেন্দূৰ কেৱল সশস্ত্র বাহিনীসমূহৰ দায়িত্ব নহয়, এয়া হৈছে ১৪০ কোটি ভাৰতীয়ৰ দায়িত্ব। এই সভাৰ আগতে গান্ধীনগৰত বিশাল এক ৰ'ড শ্ব'ত মোদীয়ে অংশগ্রহণ কৰে।

উৎসঃ দৈনিক জনমভূমি