ডিজিটেল ডেস্কঃ আমেৰিকান একাডেমী অৱ স্লিপ মেডিচিনৰ এক অধ্যয়ন অনুসৰি এক তৃতীয়াংশ প্ৰাপ্তবয়স্ক লোকে ৰাতি পত্নীৰ পৰা পৃথকে শোৱে। প্ৰথমবাৰৰ বাবে মুঠ ২০০০ লোকৰ সমীক্ষা কৰা হৈছে।
দম্পতীৰ মাজত ৰাতি পৃথক পৃথক কোঠাত শোৱাটোক ‘স্লিপ ডিভৰ্ছ’ বুলি কোৱা হৈছে। সমীক্ষা অনুসৰি মুঠ ৪৫ শতাংশ পুৰুষে স্বীকাৰ কৰিছে যে তেওঁলোকে কেতিয়াবা বা বেছিভাগ সময়তে ৰাতি আন কোঠাৰ চোফাত বা অতিথিশালাত শুই আৰাম অনুভৱ কৰে। আনহাতে ২৫ শতাংশ মহিলাই এই কথা স্বীকাৰ কৰে।
আমেৰিকান একাডেমী অৱ স্লিপ মেডিচিনৰ গৱেষকৰ মতে, অসম্পূৰ্ণ টোপনিয়ে শৰীৰৰ ক্ষতি কৰাই নহয়, মেজাজতো প্ৰভাৱ পেলায়। শান্তিৰে শুবলৈ হ’লে আজিকালি বহু দম্পতীয়ে পৃথকে পৃথকে শুবলৈ বাছি লৈছে। নাকৰ শব্দও ইয়াৰ এটা কাৰণ। এনে ক্ষেত্ৰত চিকিৎসকৰ পৰামৰ্শ লোৱাটো অতি প্ৰয়োজনীয়। এই সৰু সৰু সমস্যাবোৰৰ ফলত স্লিপ এপনিয়াৰ দৰে ডাঙৰ সমস্যাৰ সৃষ্টি হ’ব পাৰে।
এতিয়া বহুতে ছচিয়েল মিডিয়াত মুকলিকৈ ‘স্লিপ ডিভৰ্ছ’ৰ কথা কৈছে। এই পন্থা অনুসৰণ কৰাৰ পিছত তেওঁলোকৰ সম্পৰ্ক অধিক মজবুত হৈ পৰিছে বুলিও কিছু লোকে কয়।
Continue Reading
