ডিজিটেল ডেস্কঃ পাঁচখন মেচৰ টি-২০ শৃংখলাৰ আৰম্ভণিতে পৰাস্ত হৈছে ঋষভ পন্থৰ টীম ইণ্ডিয়া। কটকৰ বাৰাবাটি ষ্টেডিয়ামত অনুষ্ঠিত হৈছে দ্বিতীয়খন টি-২০। প্ৰথমখন মেচত ২১১ ৰান কৰিও পৰাস্ত হৈছিল ভাৰত। বেটছমেনসকলে ভাল প্ৰদৰ্শন কৰিলেও, ব্যৰ্থ হৈছিল ভাৰতীয় বলাৰসকল। আজি পেচ বলাৰসকলৰ ভিতৰত ভুৱনেশ্বৰ কুমাৰ, হৰ্ষল পেটেলৰ সৈতে খেলিব আৱেশ খানে। কিন্তু মূল একাদশত স্থান নাপালে উমৰাণ মালিকে।
আইপিএলত ভাল প্ৰদৰ্শন কৰাৰ পিছতে জাতীয় দলত স্থান লাভ কৰিছে উমৰাণ মালিকে। প্ৰথমখন মেচৰ পূৰ্বে উমৰাণক লৈ ক্ৰীড়ানুৰাগীৰ প্ৰত্যাশা আছিল দৃষ্টিনন্দন। ক্ৰিকেট অনুৰাগীৰ উপৰি সাধাৰণ সমৰ্থকসকলেও ভাৰতীয় জাৰ্ছীত এগজন কাশ্মীৰী যুৱ বলাৰক মূল একাদশত চাবলৈ ৰৈ আছিল। দ্বিতীয়খন টি-২০ মেচত উমৰানে সুযোগ পাবনে? তাক লৈয়ো হৈছিল চৰ্চা, উঠিছিল প্ৰশ্ন। উমৰাণ সন্দৰ্ভত প্ৰাক্তন ভাৰতীয় ক্ৰিকেটাৰ ৱাছিম জাফৰে মুকলি মন্তব্য কৰা দেখা গ’ল। একপ্ৰকাৰ ৱাছিম জাফৰৰ ভৱিষ্যদ্বাণীয়েই যেন আখৰে আখৰে ফলিয়ালে।
এক সাক্ষাৎকাৰত জাফৰে কৈছিল, ‘মই ভাবো প্ৰথমখন মেচৰ দল সলনি কৰাটোৱেই ভাল হ'ব। এটা দল ধৰি ৰখাই ভাল। যদিও এয়া পাঁচখন মেচৰ শৃংখলা। উমৰাণৰ অৱশ্যে পৰৱৰ্তী মেচত খেলাৰ সুযোগ থাকিব। কটকত দলত কোনো পৰিৱৰ্তন হ’ব বুলি মই আশা দেখা নাই।’
সদ্যসমাপ্ত আইপিএলত উমৰাণে ২২টা উইকেট দখল কৰিছে। আইপিএলৰ চতুৰ্থ সৰ্বাধিক উইকেট দখল কৰা খেলুৱৈ হিচাপেও পৰিগণিত হৈছে তেওঁ। ইয়াৰ লগতে উমৰাণৰ আন এক পৰিচয় হৈছে তেওঁৰ বলৰ দ্যুতি। পৰৱৰ্তী শৃংখলাত বল হাতত হৈ ২২গজৰ ক্ৰীজত ধুমুহা তুলিব নে নাই সেয়া সময়ে ক’ব!
Continue Reading
