ডিজিটেল ডেস্কঃ বৰ্তমানৰ যুগ হৈছে ভাৰ্চুৱেল ৰিয়েলিটীৰ (Virtual reality) যুগ। ভাৰ্চুৱেল ৰিয়েলিটীৰ সহায়ত নিজৰ ঠাইতে বহি আমি পৃথিৱীৰ যিকোনো ঠাই ভ্ৰমণ কৰাৰ আমেজ লব পাৰোঁ। ইয়াৰ সহায়ত আপুনি বন্ধ কোঠাত বহি থাকিও আপোনাৰ চাৰিওফালে বৰফৰ পৰ্বত থকাৰ দৰে অনুভৱ কৰিব পাৰিব। এই ভাৰ্চুৱেল ৰিয়েলিটী পৃথিৱীত আৰু এখোজ আগুৱাই গৈ বিজ্ঞানীসকলে এক অনন্য সঁজুলি উদ্ভাৱন কৰিছে। ইয়াৰ সহায়ত ব্যৱহাৰকাৰীয়ে কাৰোবাক চুম্বন কৰাৰ দৰে অনুভৱ কৰিব।
কাৰ্নেগী মেলন বিশ্ববিদ্যালয়ৰ হিউমেন-কম্পিউটাৰ ইণ্টাৰফেচ ইনষ্টিটিউট, দ্য ফিউচাৰ ইণ্টাৰফেচ গ্ৰুপ (এফআইজি)ৰ গৱেষকসকলে ব্যৱহাৰকাৰীসকলে ভাৰ্চুৱেল ৰিয়েলিটীত তেওঁলোকৰ ওঁঠ, দাঁত আৰু জিভাত কেনেদৰে সংবেদন অনুভৱ কৰে তাক অন্বেষণ কৰিছিল। গৱেষকসকলে তেওঁলোকৰ গৱেষণাৰ এটা ভিডিঅ', লগতে এটা প্ৰতিবেদনো মুকলি কৰিছে।
এফআইজিয়ে ধ্বনিশক্তিৰ(acoustic energy)বাবে এটা ভাৰ্চুৱেল ৰিয়েলিটি হেডছেট সংশোধন কৰিছিল। এই নতুন আৱিষ্কাৰে চুম্বনৰ বিষয়ে অধিক আলোকপাত কৰিছে। গৱেষণাত কৈছে যে ব্যৱহাৰকাৰীসকলে সম্ভৱতঃ ভাৰ্চুৱেল বাস্তৱত এজন ব্যক্তিক চুম্বন কৰাৰ অভিজ্ঞতা পাবলৈ এই প্ৰযুক্তিটো ব্যৱহাৰ কৰিব পাৰে। চুম্বন হৈছে মৰম বৰ্হিঃপ্ৰকাশৰ প্ৰথম মাধ্যম। সেয়েহে এই প্ৰযুক্তিৰ প্ৰতি বহু লোকেই আগ্ৰহ প্ৰকাশ কৰিছে।
ভাৰ্চুৱেল ৰিয়েলিটী কি
ভাৰ্চুৱেল ৰিয়েলিটী শব্দটো প্ৰায়ে শুনিছে। ভাৰ্চুৱেল ৰিয়েলিটীক চমুকৈ ভিআৰ বুলিও কোৱা হয়। ভাৰ্চুৱেল ৰিয়েলিটিৰ অৰ্থ হৈছে কম্পিউটাৰৰ ছফ্টৱেৰ আৰু হাৰ্ডৱেৰৰ সহায় লোৱা, আৰু এক পৰিৱেশৰ সৃষ্টি কৰা। ভিআৰ ব্যৱহাৰ কৰা ব্যক্তিজনে এনে অনুভৱ কৰে যেন তেওঁ বাস্তৱতে সেই পৃথিৱীত আছে।
একে সময়তে, তেওঁ নিজৰ মাজত ভাৰ্চুৱেল ৰিয়েলিটী অনুভৱ কৰাৰ লগতে প্ৰতিক্ৰিয়াও কৰিব পাৰে। ভাৰ্চুৱেল ৰিয়েলিটী সৃষ্টি কৰিবলৈ বহুতো বিশেষ ধৰণৰ চশমা আছে। সেই চশমাৰ গ্লাছত ছবি দেখা যায়। একে সময়তে, ব্যৱহাৰকাৰীয়ে ফাইবাৰৰ হাতমোজা পিন্ধিব লাগে যাতে তেওঁ কাৰ্য্যবোৰ নিয়ন্ত্ৰণ কৰিব পাৰে। ভাৰ্চুৱেল ৰিয়েলিটীয়ে ব্যৱহাৰকাৰীৰ সন্মুখত এক লাইভ দৃশ্য সৃষ্টি কৰে।
Continue Reading
