ডিজিটেল ডেস্ক : ভাৰতৰ কেইবাখনো ৰাজ্যত কভিড-১৯ৰ সংক্রমণ বৃদ্ধি পাইছে। দক্ষিণৰ ৰাজ্যসমূহ কেৰালা, তামিলনাডু আৰু কৰ্ণাটকৰ লগতে দিল্লীতো কভিড ৰোগীৰ সংখ্যা বৃদ্ধি পাইছে। শেহতীয়া দিনসমূহত গুজৰাট আৰু মহাৰাষ্ট্ৰতো কভিড-১৯ৰ সংক্ৰমণ বৃদ্ধি পাইছে।
বহুকেইখন ৰাজ্যৰ স্বাস্থ্য বিভাগে ৰাজ্যসমূহত হস্পিটেলৰ বিছনা, অক্সিজেন আৰু ভেকচিন আদি সাজু ৰাখিছে। পৰিস্থিতি অৱনতি হ'লে যিকোনো বিষয়ৰ সৈতে মোকাবিলা কৰিবলৈ সাজু হৈছে ৰাজ্যসমূহ।
১৯ মে' পর্যন্ত ভাৰতত কভিড-১৯ত আক্রান্ত ২৫৭জন ৰোগীক চিনাক্ত কৰা হৈছে। স্বাস্থ্য মন্ত্রালয়ে প্রকাশ কৰা অনুসৰি, বহুতো ৰোগীৰ লক্ষণ গুৰুতৰ নহয় আৰু তেওঁলোকক হস্পিটেলত ভর্তি কৰোৱাৰ প্রয়োজন হোৱা নাই। অৱশ্যে শেহতীয়া দিনবোৰত কেৰালা, তামিলনাডু আৰু কৰ্ণাটকত কভিড ৰোগীৰ সংখ্যা দ্রুতগতিত বৃদ্ধি পাইছে।
কেৰালাত ৬৯জন, মহাৰাষ্ট্ৰত ৪৪জন, তামিলনাডুত ৩৪জন, কর্ণাটকত ৮জন, গুজৰাটত ৬জন আৰু দিল্লীত ৩জন কভিড ৰোগীক চিনাক্ত কৰা হৈছে ১৯ মে' তাৰিখলৈকে। ইফালে, কেন্দ্রীয় স্বাস্থ্য সচিব পুণ্য চালিলা শ্রীবাস্তৱে শনিবাৰে কভিড ৰোগী বৃদ্ধি হোৱা ৰাজ্যসমূহৰ পৰিস্থিতিৰ বিষয়ত পর্যালোচনা কৰে।
উৎসঃ দৈনিক জনমভূমি
Continue Reading
