গো হত্যাৰ বিৰুদ্ধে বৃহৎ অভিযান ধুবুৰী আৰক্ষীৰ; জব্দ ৯০ কেজি গো মাংস; গ্ৰেপ্তাৰ ৭ গো হত্যাকাৰী

ডিজিটেল ডেস্ক: ধুবুৰী আৰক্ষীয়ে অবৈধ গো হত্যাৰ বিৰুদ্ধে চলোৱা এক বৃহৎ অভিযানত সাতজন লোকক হাতে-লোটে গ্ৰেপ্তাৰ কৰাৰ লগতে প্ৰায় ৯০ কিলোগ্ৰাম গৰুৰ মাংস জব্দ কৰে। গো হত্যাৰ কামত ব্যৱহৃত বিভিন্ন সঁজুলি জব্দ কৰা হৈছে।

আৰক্ষীৰ সূত্ৰ অনুসৰি, গোপন তথ্যৰ ভিত্তিত ধুবুৰী আৰক্ষীৰ এটি দলে ধুবুৰী আৰক্ষী থানাৰ অন্তৰ্গত মদৰগোলা, ঝগ্ৰাৰপাৰ পাৰ্ট-৪ অঞ্চলত ৰে'ল লাইনৰ পিছফালে অভিযান চলায়। অভিযানকালত অভিযুক্তসকলক অবৈধভাৱে গো হত্যা কৰি থকা অৱস্থাত হাতে-লোটে আটক কৰাৰ লগতে ঘটনাস্থলীৰ পৰা , প্ৰায় ৯০ কিলোগ্ৰাম গৰুৰ মাংস আৰু গো হত্যাত ব্যৱহৃত বিভিন্ন সঁজুলি জব্দ কৰা হয়।

এই অভিযানত গ্ৰেপ্তাৰ হোৱা লোকসকল হৈছে বাহাদুৰটাৰিৰ জাহান উদ্দিন, ঝগ্ৰাপাৰৰ ৰহিম উদ্দিন, মদৰগোলাৰ হাতেম আলী, মৰ্জুৰ আলী, ঝগ্ৰাৰপাৰৰ হাছেম আলী নুৰুল ইছলাম, ৰফিকুল ইছলাম। আটাইকেইজন অভিযুক্ত ধুবুৰী আৰক্ষী থানাৰ অন্তৰ্গত।

আৰক্ষীয়ে ঘটনাটোৰ সৈতে জড়িত সন্দৰ্ভত প্ৰয়োজনীয় আইনী ব্যৱস্থা গ্ৰহণ কৰাৰ লগতে এই অবৈধ গো হত্যা চক্ৰৰ সৈতে আন কোনো লোক জড়িত আছে নেকি সেই দিশতো তদন্ত অব্যাহত ৰাখিছে।