বিশ্বৰ যিকোনো দেশৰ সংকটৰ সময়ত কাষত থিয় দিয়ে ভাৰতে, ছট্টিশগড় ৰাজ্যৰ প্ৰতিষ্ঠা দিৱসৰ কাৰ্যসূচীত প্রধানমন্ত্রী মোদী

ডিজিটেল ডেস্ক : ছট্টিশগড় এতিয়া সুস্থিৰতা, সমৃদ্ধি আৰু নিৰাপত্তাৰ প্ৰতীক হিচাপে পৰিগণিত হৈছে। প্রধানমন্ত্রী নৰেন্দ্ৰ মোদীয়ে শনিবাৰে এইদৰে কয়। প্রধানমন্ত্রী মোদীয়ে কয় যে পূর্বে মাওবাদী অধ্যুষিত আৰু পিছপৰা ৰাজ্য হিচাপে পৰিচিত ছট্টিশগড়ে ২৫ বছৰীয়া পৰিক্ৰমাৰ পাছত এখন লেখত ল'বলগীয়া ৰাজ্যত পৰিণত হৈছে। 

ছট্টিশগড় ৰাজ্যৰ প্ৰতিষ্ঠা দিৱস উদযাপনৰ কাৰ্যসূচীত অংশ লৈ মোদীয়ে কয় যে নক্সালপীড়িত ৰাজ্যখনলৈ এতিয়া বিকাশৰ ধল আৰু সুখ-সমৃদ্ধি নামি আহিছে। প্রধানমন্ত্রী মোদীয়ে ছট্টিশগড় বিধানসভাৰ নতুন ভৱনো মুকলি কৰে। এই উপলক্ষত তেওঁ কয় যে বিধানসভাৰ পৰা উদ্ভৱ হোৱা প্রতিটো চিন্তাই জনপ্রতিনিধিৰ ৰাজহুৱা সেৱাৰ চিন্তাধাৰাক প্রতিফলিত কৰে। 

আনহাতে, নৱ ৰায়পুৰস্থিত ব্ৰহ্মকুমাৰীৰ এটা শান্তি শিখৰ কেন্দ্ৰ উদ্বোধন কৰি মোদীয়ে কয় যে বিশ্বজনীন যিকোনো সংকটৰ সময়ত ভাৰতেই প্রথমে প্রতিক্রিয়া প্রকাশ কৰে আৰু এই সংকট মোচনৰ বাবে ভাৰত প্ৰথমেই আগবাঢ়ি যায়। ভাৰতে এতিয়া বিশ্বৰ কোনো দেশৰ সংকটৰ সময়ত নিৰ্ভৰযোগ্য অংশীদাৰ হিচাপে থিয় দিয়ে বুলি মোদীয়ে কয়।