বাংলাদেশী সংবাদ মাধ্যমক আৱামী লীগক বৰ্জনৰ নিৰ্দেশ ইউনুছ চৰকাৰৰ

ডিজিটেল ডেস্ক : বাংলাদেশৰ মহম্মদ ইউনুছৰ নেতৃত্বাধীন চৰকাৰখনে বুধবাৰে অভিযোগ আনিছিল যে ভাৰতৰ নতুন দিল্লী আৰু কলকাতাত দেশখনত নিষিদ্ধ শ্বেখ হাছিনা নেতৃত্বাধীন আৱামী লীগৰ সদস্যসকলে ৰাজনৈতিক কৰ্মৰাজি চলাই আছে আৰু এই সন্দৰ্ভত ভাৰত চৰকাৰৰ হস্তক্ষেপৰ দাবী জনাইছিল বাংলাদেশে।

ইয়াৰ পাছতে বৃহস্পতিবাৰে নতুন দিল্লীয়ে এই অভিযোগৰ প্ৰত্যুত্তৰত কয় যে ভাৰতীয় ভূমিত শ্বেখ হাছিনাৰ আৱামী লীগৰ সদস্যই বাংলাদেশ-বিৰোধী কার্যকলাপ চলাই থকাৰ বিষয়টোৰ সন্দৰ্ভত জ্ঞাত নহয় ভাৰত চৰকাৰ। দিল্লী আৰু কলকাতাত আৱামী লীগৰ কার্যালয় আছে বুলি বাংলাদেশে অনা অভিযোগ খণ্ডন কৰি ভাৰতৰ বৈদেশিক পৰিক্ৰমা মন্ত্ৰ্যালয়ে বৃহস্পতিবাৰে কয় যে ভাৰতীয় ভূমিৰ পৰা আন দেশৰ বিৰুদ্ধে কৰ্মৰাজি চলোৱাৰ ক্ষেত্ৰত ভাৰতে কেতিয়াও অনুমতি নিদিয়ে আৰু এনেধৰণৰ কাৰ্যক ভাৰতে প্রশ্রয়ো নিদিয়ে।

ভাৰতে বাংলাদেশত এটা মুক্ত, স্বচ্ছ আৰু নিকা নির্বাচন অনুষ্ঠিত কৰাত গুৰুত্ব দিব বুলি বৈদেশিক পৰিক্রমা ম্যালয়ে স্পষ্ট কৰে। আনহাতে, বাংলাদেশৰ অন্তৰ্ৱৰ্তী চৰকাৰে শুকুৰবাৰে দেশখনৰ সংবাদ মাধ্যমবোৰক সকীয়াই দিয়ে যে ক্ষমতাচ্যুত তদানীন্তন প্রধানমন্ত্রী শ্বেখ হাছিনা আৰু তেওঁৰ দল আৱামী লীগৰ বিষয়ে কোনো ধৰণৰ বাতৰি প্ৰকাশ বা সম্প্ৰচাৰ কৰিব নোৱাৰিব।

যদি কোনো সংবাদ মাধ্যমে আৱামী লীগৰ নেতাৰ ভাষ্য বা বিবৃতি প্রকাশ কৰে, তেনেহ'লে তেওঁলোকৰ বিৰুদ্ধে কঠোৰ আইনী ব্যৱস্থা লোৱা হ'ব বুলি সতৰ্ক কৰি দিয়ে।

উৎসঃ দৈনিক জনমভূমি