ডিজিটেল ডেস্কঃ বিকি কৌশলে বৰ্তমান পত্নী কেটৰিনাক এৰি বাহিৰত ভ্ৰমণ কৰি ফুৰিছে। আনহাতে কৰ’নাৰ সৈতে যুঁজি আছে কেটৰিনা কাঈফে। ইফালে বিকি আৰু কেটৰিনাৰ মাজত আন কোনোবা আহিছে, এই কথা ছ’চিয়েল মিডিয়াত ভাইৰেল হোৱা এখন ফটোৰ পৰা জানিব পৰা গৈছে।যদি আপুনি ভাবিছে যে বিকি আৰু কেটৰিনাৰ সম্পৰ্ক টেঙা হৈ পৰিছে তেন্তে আপুনি ভুল ভাবিছে। বিকি আৰু কেটৰিনাৰ সম্পৰ্ক আগৰ দৰেই মধুৰ হৈ আছে।
কৰিঅ’গ্ৰাফাৰ ফাৰাহ খানে শেহতীয়াকৈ বিকি কৌশলৰ সৈতে উঠা এখন ফটো শ্বেয়াৰ কৰিছে, য’ত তেওঁ লিখিছে যে ''ছ'ৰী কেটৰিনা কাঈফ। বিকিয়ে এতিয়া আন কাৰোবাক বিচাৰি পাইছে।'' এই সন্দৰ্ভত কেটৰিনা কাঈফেও দিছে এক ধেমেলীয়া প্ৰতিক্ৰিয়া। এই ফটোখনৰ প্ৰতি প্ৰতিক্ৰিয়া প্ৰকাশ কৰি কেটৰিনাই লিখিছে যে ''আপোনাক অনুমতি দিয়া হৈছে।'' আনহাতে এই ফটোখনক লৈ বিকি কৌশলেও নিজকে ফাৰাহৰ ভাল বন্ধু বুলি বৰ্ণনা কৰিছে।
উল্লেখ্য যে ফাৰাহ খান আৰু বিকি কৌশল তেওঁলোকৰ আগন্তুক প্ৰজেক্টৰ বাবে ক্ৰ'ৱেচিয়াত আছে আৰু ইয়াৰ পৰাই ফাৰাহে বিকিৰ সৈতে এই ফটোখন শ্বেয়াৰ কৰিছে। শেহতীয়াকৈ ‘ছৰ্দাৰ উধাম সিং’ৰ বাবে আইফাত শ্ৰেষ্ঠ অভিনেতা বঁটা লাভ কৰিছে বিকি কৌশলে।
‘গোবিন্দ মেৰা নাম’, ‘ছাম বাহাদুৰ’, পৰিচালক লক্ষ্মণ উটেকাৰৰ এখন নাম স্থিৰ নোহোৱা ছবি আৰু ‘তখত’ হৈছে বিকি কৌশলৰ নতুন আহিবলগীয়া ছবি। আনহাতে কেটৰিনা কাঈফৰ হাতত থকা ছবিকেইখন হৈছে ‘টাইগাৰ ৩’, ‘জী লে জাৰা’, ‘ফোন ভূত’ আৰু ‘মেৰী ক্ৰীছমাছ’।
Continue Reading
