চলিত বছৰত চৰম দৰিদ্ৰতাৰ গ্ৰাসত পৰিব ২৬৩ নিযুত লোক: অক্সফামৰ উদ্বেগজনক তথ্য

ডিজিটেল ডেস্ক: বিশ্বজুৰি ত্ৰাসৰ সৃষ্টি কৰা ক’ভিড-১৯এ মানুহৰ পৃথিৱীত ৰোপণ কৰি গ’ল দুখন অন্য পৃথিৱীৰ বীজ৷ এখন পৃথিৱী পুঁজিবাদৰ, আনখন দৰিদ্ৰতাৰ৷ বিশ্ব নাগৰিকৰ মাজত স্পষ্ট বিভাজিকা হৈ মাত্ৰ এটা মহামাৰীয়ে জোকাৰি গ’ল মানৱ সভ্যতাক৷ বিশ্বব্যাপী দৰিদ্ৰতা দূৰীকৰণত গুৰুত্ব আৰোপ কৰা ২১টা স্বতন্ত্ৰ সংগঠনৰ ব্ৰিটিছ প্ৰতিষ্ঠিত কনফেডাৰেচন ‘অক্সফাম’ৰ সমীক্ষাত পোহৰলৈ আহিছে উদ্বেগজনক তথ্য৷

এক অৰ্থনৈতিক সন্মিলনত অক্সফামে অক্সফামে শংকা ব্যক্ত কৰি কয় যে চলিত বছৰত ২৬৩ নিযুত লোক চৰম দৰিদ্ৰতাত ডুব যাব৷ প্ৰতি ৩০ ঘণ্টাত এক নিযুত হাৰত বিশ্বত সৃষ্টি হ’ব দৰিদ্ৰৰ৷ সমানে, একে পৰিসংখ্যাৰেই প্ৰতি ৩০ ঘণ্টাত সৃষ্টি হ’ব বিলিয়নেয়াৰৰ৷ কিয়নো, বৰ্ধিত মুদ্ৰাস্ফীতিয়ে ক’ভিডোত্তৰ কালত জীৱন নিৰ্বাহ কষ্টসাধ্য কৰি তুলিছে৷  

দাভোছ সন্মিলনত অক্সফামে সোমবাৰে কয় যে কোভিড মহামাৰীয়ে প্ৰতি ৩০ ঘণ্টাত এজন নতুন কোটিপতি সৃষ্টি কৰিছে আৰু এতিয়া ১০ লাখ লোক একে গতিত চৰম দৰিদ্ৰতাৰ ফালে গতি কৰিছে৷ অক্সফামৰ কাৰ্যবাহী সঞ্চালক গেব্ৰিয়েলা বুচাৰে এক বিবৃতিত কয়, কোটিপতিসকলে তেওঁলোকৰ ভাগ্যৰ এক অবিশ্বাস্য বৃদ্ধি উদযাপন কৰিবলৈ দাভোছত উপস্থিত হৈছে। মহামাৰী আৰু এতিয়া খাদ্য আৰু শক্তিৰ দামৰ অত্যাধিক বৃদ্ধি তেওঁলোকৰ বাবে এক বোনাঞ্জা হৈ পৰিছে৷ তেওঁ লগতে কয়, ইফালে চৰম দৰিদ্ৰতাৰ ক্ষেত্ৰত কেইবা দশকধৰি চলি থকা প্ৰগতি এতিয়া বিপৰীত দিশত আছে আৰু লাখ লাখ লোকে কেৱল জীয়াই থকাৰ তাড়ণাতেই অত্যধিক দামবৃদ্ধিৰ সন্মুখীন হৈছে।

অক্সফামে এইটোও কৈছিল যে বৃহৎ নিগমসমূহৰ অপ্ৰত্যাশিত লাভৰ ওপৰত ৯০ শতাংশৰ অস্থায়ী অতিৰিক্ত লাভ কৰ আৰম্ভ কৰি সংকটমুনাৰ সমাপ্তি কৰাৰ সময় আহি পৰিছে। অক্সফামে লগতে কয় যে কোটিপতিসকলৰ ওপৰত বাৰ্ষিক সম্পদ কৰ দুই শতাংশ, আৰু কোটিপতিৰ বাবে পাঁচ শতাংশ, প্ৰতি বছৰে ২.৫২ ট্ৰিলিয়ন ডলাৰ উপাৰ্জন কৰিব পাৰে।

এনে সম্পদ কৰে ২.৩ বিলিয়ন লোকক দৰিদ্ৰতাৰ পৰা উলিয়াই অনাত সহায় কৰিব৷ আৰু এনে পদক্ষেপে বিশ্বৰ বাবে পৰ্যাপ্ত ভেকছিন প্ৰস্তুত কৰিব আৰু দৰিদ্ৰ দেশবোৰৰ লোকসকলৰ বাবে সাৰ্বজনীন স্বাস্থ্য সেৱাৰ বাবে পৰিশোধ কৰিব বুলি ইয়াত কোৱা হৈছে। অক্সফামে ইয়াৰ গণনাবোৰ ফৰ্বছৰ বিলিয়নেয়াৰৰ তালিকা আৰু বিশ্ব বেংকৰ তথ্যৰ ওপৰত আধাৰত প্ৰস্তুত কৰিছিল।