ডিজিটেল ডেস্ক: এইবাৰ দিল্লীৰ মুখ্যমন্ত্ৰী অৰবিন্দ কেজৰিৱাললৈ ইডিয়ে জাৰি কৰিছে চমন৷ দিল্লীৰ সুৰা কেলেংকাৰি সন্দৰ্ভত সোধা-পোছাৰ বাবে চমন জাৰি কৰা হৈছে দিল্লীৰ মুখ্যমন্ত্ৰীগৰাকীক৷ দিল্লীৰ মুখ্যমন্ত্ৰীগৰাকীক একেটা গোচৰতে মাতি পঠোৱা হৈছে, যি গোচৰত এই বছৰৰ ফেব্ৰুৱাৰীত প্ৰাক্তন উপ-মুখ্যমন্ত্ৰী মনীষ চিছোদিয়া আৰু ৪ অক্টোবৰত আপৰ ৰাজ্যসভাৰ সাংসদ সঞ্জয় সিঙক গ্ৰেপ্তাৰ কৰা হৈছিল।
উল্লেখ্য যে সঞ্জয় সিং ১০ নৱেম্বৰলৈকে ন্যায়িক জিম্মাৰ অধীনত আছে৷ উচ্চতম ন্যায়ালয়ে ধনৰ অবৈধ সৰবৰাহৰ গোচৰত মনীষ চিছোদিয়াৰ জামিন আবেদন খাৰিজ কৰাৰ কেইঘণ্টামান পাছত অৰবিন্দ কেজৰিৱালক ইডিৰ চমন জাৰি কৰা হৈছে, য’ত কোৱা হৈছে যে গোচৰটোত ৩৩৮ কোটি টকাৰ ধনৰ ট্ৰেইল অস্থায়ীভাৱে প্ৰতিষ্ঠা কৰা হৈছিল।
কেজৰিৱালক এই বছৰৰ এপ্ৰিলত একেটা গোচৰৰ সন্দৰ্ভত কেন্দ্ৰীয় অনুসন্ধান ব্যুৰো (চিবিআই)ৰ দ্বাৰা সোধা-পোছাৰ বাবে মাতি অনা হৈছিল। অৱশ্যে, যোৱা বছৰ আগষ্টত চিবিআইয়ে দাখিল কৰা এজাহাৰত আপৰ মুৰব্বীগৰাকীক অভিযুক্ত হিচাপে নাম দিয়া হোৱা নাই।
কেজৰিৱালক চিবিআইয়ে গোচৰটোৰ দুৰ্নীতি আৰু অপৰাধমূলক ষড়যন্ত্ৰৰ তদন্তৰ সন্দৰ্ভত ন ঘণ্টাৰো অধিক সময় ধৰি সোধা-পোছা কৰিছিল।
ইডিয়ে জাৰি কৰা শেহতীয়া চমনৰ সঁহাৰি দি আপ নেতা তথা দিল্লীৰ মন্ত্ৰী সৌৰভ ভৰদ্বাজে অভিযোগ কৰে যে ভাৰতীয় জনতা পাৰ্টীয়ে (বিজেপি) যিকোনো মূল্যত আপক চূৰ্ণ-বিচূৰ্ণ কৰিব বিচাৰিছে।
Continue Reading
