ডিজিটেল ডেস্কঃ ৰাষ্ট্ৰীয় ৰাজধানী দিল্লীত শনিবাৰে এটা চাৰি মহলীয়া অট্টালিকা খহি পৰে। এই দুর্ঘটনাটোৰ ফলত ১১জন লোকৰ মৃত্যু হয় আৰু বহু লোক আহত হয়।
শনিবাৰে পুৱতি নিশা মুস্তাফাবাদস্থিত শক্তি বিহাৰ নামৰ অট্টালিকাটো খহি পৰে আৰু বহু লোক আবদ্ধ হৈ পৰে। উদ্ধাৰকাৰী দলে ১১জন লোকক জীৱন্তে উদ্ধাৰ কৰিবলৈ সমর্থ হয় যদিও ১১জন লোকক মৃত ঘোষণা কৰে। উদ্ধাৰ কৰিব পৰা আহত লোককেইজনক নিকটবর্তী চিকিৎসালয়ত ভর্তি কৰোৱা হয়।
আহতসকলৰ ৫জন এতিয়াও চিকিৎসাধীন হৈ আছে। সুস্থ হোৱাৰ পাছত ৬জন লোকক ঘৰলৈ যাবলৈ দিয়া হয়। ক্রেন, থাৰ্মেল কেমেৰাৰ সহায়ত দিল্লী অগ্নিনির্বাপক বাহিনী, এন ডি আৰ এফ, ডি ডি এম এ আৰু স্থানীয় স্বেচ্ছাসেৱকৰ উদ্ধাৰকাৰী দলে উদ্ধাৰ অভিযানত নামি পৰে।
অট্টালিকাটো খহি পৰাৰ কাৰণ জানিব পৰা হোৱা নাই যদিও স্থানীয় লোকে অভিযোগ কৰে যে অট্টালিকাটোৰ ভূমি মহলাত গাফিলতি আছিল। দিল্লীৰ মুখ্যমন্ত্রী ৰেখা গুপ্তাই এই দুৰ্ঘটনাৰ আঁৰৰ ব্যক্তিৰ বিৰুদ্ধে কঠোৰ ব্যৱস্থা গ্ৰহণ কৰা হ'ব বুলি আশ্বাস প্রদান কৰাৰ লগতে এই ঘটনাৰ তদন্ত ঘোষণা কৰিছে।
উৎসঃ দৈনিক জনমভূমি
Continue Reading
