ডিজিটেল ডেস্ক: যোৱা বছৰ মুকেশ আম্বানীয়ে ৭৯ মিলিয়ন ডলাৰ ব্যয় কৰি ব্ৰিটেইনত ষ্টক পাৰ্ক লিমিটেড ক্ৰয় কৰিছিল। ইয়াত জৰ্জিয়ান যুগৰ এটা অট্টালিকা আছে, যিটো ডাঙৰ পুত্ৰ আকাশ আম্বানীৰ বাবে কিনা হৈছিল। এইবাৰ সংবাদ মাধ্যমৰ বাতৰি অনুসৰি চলিত বৰ্ষৰ আৰম্ভণিতে মুকেশ আম্বানীৰ সৰু পুত্ৰ অনন্ত আম্বানীৰ বাবে ডুবাই চহৰৰ সাগৰৰ পাৰত থকা এক আৱাসিক ক্ৰয় কৰিছিল আম্বানীয়ে। ডুবাইৰ সম্পত্তিৰ বজাৰে ইয়াৰ অৰ্থনীতিত প্ৰায় এক তৃতীয়াংশ অৰিহণা যোগায়
ভাৰতৰ অন্যতম ধনী ব্যক্তি তথা ৰিলায়েন্স ইণ্ডাষ্ট্ৰীজৰ অধ্যক্ষ মুকেশ আম্বানীৰ এইবাৰ আন এক বিশেষ খবৰ। খবৰ অনুসৰি ডুবাইৰ বিচ চাইড ভিলাৰ ক্ৰেতা মুকেশ আম্বানী। এই ভিলাটোৰ ব্যয় হৈছে ৮ কোটি ডলাৰ (৬,৩৯৬,৭৪৪,৮৮০ টকা)। মুকেশ আম্বানী হৈছে এই চহৰখনৰ এতিয়ালৈকে আটাইতকৈ ডাঙৰ আৱাসিক সম্পত্তি ক্ৰেতা। ব্লুমবাৰ্গৰ এক প্ৰতিবেদন অনুসৰি পাম জুমেইৰা বিচৰ এই সম্পত্তি চলিত বৰ্ষৰ আৰম্ভণিতে মুকেশ আম্বানীৰ সৰু পুত্ৰ অনন্ত আম্বানীৰ বাবে ক্ৰয় কৰা হৈছে।
শ্বাহৰুখ খান হ'ব চুবুৰীয়া
কল আকাৰৰ কৃত্ৰিম দ্বীপপুঞ্জৰ উত্তৰ অংশত অৱস্থিত এই বিলৰ পাৰৰ অট্টালিকাটো। ইয়াত ১০টা শোৱা কোঠা, এটা ব্যক্তিগত স্পা আৰু ইনড’ৰ আৰু আউটড’ৰ পুল আছে। অতি ধনীসকলৰ বাবে পছন্দৰ বজাৰ হিচাপে আত্মপ্ৰকাশ কৰিছে ডুবাই। ব্ৰিটিছ ফুটবলাৰ ডেভিদ বেকহাম আৰু হিন্দী চিনেমাৰ ৰজা শ্বাহৰুখ খানৰ দৰে আম্বানীৰ নতুন প্ৰতিবেশী।
সংবাদ মাধ্যমৰ খবৰ অনুসৰি ডুবাইৰ সম্পত্তিৰ চুক্তি গোপন কৰি ৰখা হৈছে। কোৱা হৈছে যে আম্বানীয়ে ইয়াক নিজৰ কৰি তুলিবলৈ আৰু ইয়াৰ সুৰক্ষা নিশ্চিত কৰিবলৈ লাখ লাখ টকা খৰচ কৰাৰ প্ৰস্তুতি চলাইছে। খবৰ অনুসৰি, গ্ৰুপটোৰ কৰ্প’ৰেট এফেয়াৰ্ছৰ সঞ্চালক আম্বানীৰ সহায়ক পৰিমল নাথৱানীয়ে ভিলাটো পৰিচালনা কৰিব। অৱশ্যে আম্বানীৰ প্ৰাথমিক বাসস্থান মুম্বাইৰ ২৭ মহলীয়া আকাশচুম্বী এন্টিলিয়া হৈ থাকিব।
Continue Reading
