ডিজিটেল ডেস্কঃ কুকুৰৰ পৰা আৰম্ভ হৈছিল যাত্ৰা। এইবাৰ পশুভক্ত ধোনীয়ে ছাগলী পুহিবলৈ ওলাইছে। ইনষ্টাগ্ৰামত এটা ভিডিঅ’ পোষ্ট কৰি তেওঁৰ অনুৰাগীসকলক এই খবৰ দিছে ধোনী পত্নী সাক্ষীয়ে। ছ’চিয়েল মিডিয়াৰ পৰা প্ৰায় দূৰতে থাকে মহেন্দ্ৰ সিং ধোনীয়ে। ফলত ভাৰতৰ কিংবদন্তি অধিনায়কগৰাকীৰ অনুৰাগীক দৈনন্দিন জীৱন আপডেট দিয়ে সাক্ষীয়েই।
সদ্য সমাপ্ত আইপিএল আৰম্ভ হোৱাৰ পূৰ্বে ধোনীয়ে অধিনায়কত্বৰ দায়িত্বভাৰ অৰ্পন কৰিছিল ৰবীন্দ্ৰ জাদেজাক। কিন্তু নেতৃত্বৰ হেঁচা সহ্য কৰিব নোৱাৰি জদেজাই ধোনীক ঘূৰাই দিছিল অধিনায়কৰ পদ। চাৰিবাৰৰ চেম্পিয়ন চেন্নাই ছুপাৰ কিংছে ২০২২বৰ্ষৰ আইপিএলত উজ্জ্বল প্ৰদৰ্শন আগবঢ়াব নোৱাৰিলে। ১৪ খন মেচত ৮ পইণ্ট লাভ কৰি ১০ দলৰ লীগ তালিকাৰ নৱম স্থানতে যাত্ৰা সামৰে চেন্নাইয়ে।
উল্লেখ্য যে, বৰ্তমান ধোনীৰ বয়স ৪০ বছৰ। অহা জুলাই মাহত ৪১ বছৰত ভৰি দিব ধোনীয়ে। অহা বছৰৰ আইপিএলত চেন্নাই ছুপাৰ কিংছৰ হৈ খেলিবনে ধোনীয়ে? 'থালা'ৰ অনুৰাগীসকলৰ এটাই প্ৰশ্ন আছিল! ধোনীয়ে কৌশলেৰে ঘোষণা কৰিছিল যে তেওঁক পুনৰ আইপিএলত দেখিবলৈ পোৱা যাব।
ধোনীয়ে তেওঁৰ ভৱিষ্যত পৰিকল্পনাৰ বিষয়ে কয়, ‘অৱশ্যেই মই হালধীয়া জাৰ্ছীত খেলিম। কিন্তু এই হালধীয়া জাৰ্ছীতে দেখিব নে আন জাৰ্ছীত দেইখব সেয়া মই নাজানো।’ ইতিমধ্যে ধোনীয়ে দেশৰ জাৰ্ছী তুলি লৈছে। কিন্তু আইপিএলত খেলিব নে নাই সেয়া সময়েহে ক’ব।
Continue Reading
