ডিজিটেল ডেস্কঃ ১৯৯০ দশকত বলীউডত তেওঁৰেই আধিপত্য। 'আন্দাজ আপনা আপনা', 'মোহৰা' আৰু 'লাডলা'ৰ দৰে চলচ্চিত্ৰত তেওঁ অভিনয় কৰিছে। কোৱা হয় তেওঁ হাত দিয়াৰ লগে লগে সকলো বস্তুৱেই সোণৰ ফল হৈ পৰে। কিন্তু আপুনি জানি হতবাক হব যে উদ্যোগটোত স্থান পাবলৈ কিমান কঠুৰ সংগ্ৰাম কৰিব লগা হৈছিল ৰবীনা টেণ্ডনে।
ৰবীনাৰ দেউতাক আছিল ৰবি টণ্ডন। বলীউডৰ এজন সফল অভিনেতা তেওঁ। অৱশ্যে, অভিনেত্ৰীগৰাকীয়ে তাৰকা-সন্তান হোৱা স্বত্বেও কোনো অতিৰিক্ত লাভালাভ লাভ কৰা নাছিল। শেহতীয়া এক সাক্ষাৎকাৰত, অভিনেত্ৰীগৰাকীয়ে সংগ্ৰামৰ বিষয়ে কৈছিল। তেওঁ কৈছিল, "মোৰ কেৰিয়াৰৰ আৰম্ভণিতে, মই ষ্টুডিঅ'ৰ মজিয়াৰ পৰা ষ্টলৰ মজিয়ালৈ বমি পৰিষ্কাৰ কৰিছিলো। মই দশম শ্ৰেণীৰ পৰা পৰিচালক প্ৰহ্লাদ কক্কৰৰ সহায়ক হিচাপেও কাম কৰি কৰিছো। "
অভিনয়লৈ আহিবলৈ জ্যেষ্ঠসকলৰ পৰাও পৰামৰ্শ লাভ কৰিছিল ৰবীনাই । ৰবীনাই কৈছিল, "সেই সৰুৰে পৰা, মোক কোৱা হৈছিল যে মোৰ ঠাইখিনি পৰ্দাৰ পিছফালে নহয়, সন্মুখত আছিল। কিন্তু মই তেতিয়াও এগৰাকী অভিনেত্ৰী হ'ব বিচৰা নাছিলো। দৰাচলতে, মই আৰম্ভণিৰে পৰা এই উদ্যোগত আছোঁ। কিন্তু মই কেতিয়াও অভিনেত্ৰী হোৱাৰ কথা ভবা নাছিলো। "
ৰবীনাক অলপতে 'কেজিএফ: অধ্যায় ২'ত এক গুৰুত্বপূৰ্ণ ভূমিকাত দেখা গৈছিল। ছবিখনে ইতিমধ্যে বক্স অফিচত ৭৫০ কোটি টকাৰ ব্যৱসায় কৰিছে। অভিনেত্ৰীগৰাকীকো প্ৰশংসা কৰা হৈছিল। ৰবীনাৰ স্বামী অনিল থাদানীয়ে সমগ্ৰ ভাৰততে দক্ষিণৰ চলচ্চিত্ৰখন প্ৰচাৰ কৰাত এক গুৰুত্বপূৰ্ণ ভূমিকা পালন কৰিছে। পেছাত, তেওঁ এজন চলচ্চিত্ৰ বিতৰক। অনিলৰ অৱদানৰ বিষয়ে কথা পাতি ৰবীনাই কয়, "তেওঁক যথেষ্ট কৃতিত্ব দিয়া উচিত। তেওঁ 'বাহুবলী', 'কেজিএফ'ৰ দৰে চলচ্চিত্ৰও বিভিন্ন দিশত বিয়পাইছে। "
ৰবীনাই 'কেজিএফ'ত প্ৰধানমন্ত্ৰী ৰমিকা সেনৰ চৰিত্ৰত অভিনয় কৰিছে। ইয়াৰ পাছত, তেওঁক 'গুৰচাৰি' শীৰ্ষক এখন প্ৰেম চলচ্চিত্ৰত দেখা যাব। তেওঁৰ লগত সঞ্জয় দত্ত আৰু অৰুণা ইৰাণীৰ দৰে তাৰকাও থাকিব।
ৰবীনাই ১৯৯১ চনত বলীউডত নায়িকা হিচাপে আত্মপ্ৰকাশ কৰিছিল। ছবিখনৰ নাম হৈছে 'পাথৰ কে ফুল'। তাৰ পিছত তেওঁ ঘূৰি চাব লগা হোৱা নাছিল। তাই ইখনৰ পিছত সিখন হিট ছবিৰ সৈতে বলীউডৰ আগশাৰীৰ নায়িকাসকলৰ তালিকাত তেওঁৰেই আধিপত্য। তেওঁ শ্বাহৰুখ খান, চলমান খান আৰু অক্ষয় কুমাৰৰ দৰে অভিনেতাৰ লগত নায়িকাৰ চৰিত্ৰত কাম কৰিছে। তেওঁ 'দমন: এ ভিক্টিম অৱ মেৰিটেল ভায়োলেন্স'ত অভিনয়ৰ বাবে ৰাষ্ট্ৰীয় বঁটা ও লাভ কৰিছিল।
Continue Reading
