গোলাঘাটত কৰুণ ঘটনা! শাহুৱেকৰ অত্যাচাৰ সহিব নোৱাৰি সন্তানক বুকুত বান্ধি পুখুৰীত জাঁপ মাতৃৰ

ডিজিটেল ডেস্কঃ  গোলাঘাট জিলাৰ চাৰিঙ্গীয়াত সংঘটিত হৈছে এক মৰ্মান্তিক ঘটনা । বুকুত তিনিবছৰীয়া সন্তানক বান্ধি পুখুৰীত জাপ মাতৃৰ ।

শাহুৱেকৰ অত্যাচাৰ সহিব নোৱাৰি কণমানি পুত্ৰসহ জাঁপ দিলে পুখুৰীত । স্থানীয় ৰাইজে পুখুৰীৰ পৰা উদ্ধাৰ কৰে মাতৃ-পুত্ৰৰ নিথৰ দেহ । মৃত মাতৃ-পুত্ৰৰ নাম মনিষা হাজৰিকা আৰু অনুপম হাজৰিকা।

শাহুৱেক অৱন্তী হাজৰিকাক শাস্তিৰ দাবী সকলোৰে ৷ ওচৰ-চুবুৰীয়া, আত্মীয়ই কয় যে শাহু-বোৱাৰীৰ মাজত প্ৰায়ে হয় কাজিয়া।

মাতৃৰ সৈতে কাজিয়া লাগি থকাৰ কথা স্বীকাৰ স্বামীৰ। পুৱাৰ ভাগত স্বামী কামলৈ ওলাই যোৱাৰ পাছতে এই কৰুণ ঘটনা সংঘটিত হয়। মাতৃ যদি দোষী সাব্যস্ত হয় তেন্তে মাতৃয়ে শাস্তি পাওক বুলি মন্তব্য তেওঁ মন্তব্য কৰে।

ঘটনাক কেন্দ্ৰ কৰি চেপা উত্তেজনাই বিৰাজ কৰিছে অঞ্চলটোত । সমগ্ৰ অঞ্চলটোত গভীৰ শোকৰ ছাঁ পৰিছে।

দণ্ডাধীশৰ লগতে ঢেকীয়াল আৰু গোলাঘাট আৰক্ষী উপস্থিত হৈ মৃতদেহ দুটি মৰোণোত্তৰ পৰীক্ষাৰ বাবে গোলাঘাটলৈ প্ৰেৰণ কৰিছে ৷