ডিজিটেল ডেস্কঃ কেতিয়াবা আকাশত কিছুমান অদ্ভুত পৰিঘটনা সংঘটিত হয়। এইবাৰ হঠাতে তেজৰ দৰে ৰঙা হৈ পৰিল আকাশ। আকাশৰ এই ৰং দেখি আতংকিত হৈ পৰিছে জনতা। বহু লোকেই সন্দেহ কৰিছে এয়া কেনেবাকৈ মহাপ্ৰলয়ৰ আগজাননী নহয়তো? এই ঘটনা সংঘটিত হৈছে চীনৰ (China) ঝৌশান (Zhoushan ) চহৰত।
আকাশৰ তেজৰঙা ৰং দেখি মানুহৰ মাজত ভয়ৰ পৰিৱেশৰ সৃষ্টি হয়। আকাশখন তেজৰ দৰে ৰঙা হোৱা দেখি মানুহে বেলেগ ধৰণে অনুমান কৰিবলৈ আৰম্ভ কৰিলে। তেওঁলোকৰ কিছুমানে বিশ্বাস কৰিছিল যে এয়া মহাপ্ৰলয়ৰ আগজাননী আৰু কিছুমানে কৈছিল যে কৰ'নাই ধ্বংস দেখুৱাবলৈ গৈ আছে। চীনৰ মানুহে আশংকা কৰিছিল যে এইটো কৰ'না ভাইৰাছৰ সৈতে সম্পৰ্কিত এটা অশুভ লক্ষণ হ'ব পাৰে।
ঝাউশানৰ বতৰ বিজ্ঞান ব্যুৰোৱে এই অনুমানবোৰৰ ওপৰত প্ৰতিক্ৰিয়া ব্যক্ত কৰি কয় যে ঘটনাটোত অতি প্ৰাকৃতিক একো নাই। তেওঁলোকে কৈছিল যে কুঁৱলী বহুত বেছি আছিল আৰু ডাৱৰবোৰ কম উচ্চতাত আছিল। এইটো পোহৰৰ প্ৰতিসৰণৰ ফলত হোৱা এটা ঘটনা। এটা স্থানীয় মাছ ধৰা কোম্পানীয়ে নিশ্চিত কৰিছে যে এই ঘটনা তেওঁলোকৰ মাছ ধৰা নাওৰ পৰা সংঘটিত হৈছিল।
কোম্পানীৰ উপ প্ৰৱন্ধকে কৈছিল যে ''এই আকাশৰ ৰঙা পোহৰ আমাৰ মাছ ধৰা নাওবোৰৰ পৰা হৈছিল। মাছ ধৰাৰ সময়ত আমি ৰঙা লাইটবোৰ অন কৰিব লাগে। যেতিয়া এই লাইটবোৰ জ্বলোৱা হয়, সেইবোৰ পানীৰ সৈতে সংঘৰ্ষ হয় আৰু আকাশলৈ যায়। কিন্তু কুঁৱলীৰ বাবে, ইয়াক ৰঙা দেখা গৈছিল। উপকূলীয় অঞ্চলত এইটো সচৰাচৰ হয়।''
কিছুমানে এই কথা বিশ্বাস কৰিছে যদিও বহুলোকে কৰা নাই কাৰণ তেওঁলোকে কৈছে যে আগতেও মাছ ধৰা হয়, আগতেও কুঁৱলী পৰে কিন্তু সেইদিনাহে কিয় এনে ঘটনা সংঘটিত হ'ল!..এয়া নিশ্চয়কৈ প্ৰকৃতিৰ এক লীলাৰ বাহিৰে একো নহয়।
Continue Reading
