হোটেলত চাকৰি বিচাৰিবলৈ গৈ বিচাৰি পালে প্ৰেম! ৫৫ বছৰীয়া মেনেজাৰৰ প্ৰেমত মত্ত ২৫ বছৰীয়া যুৱতী

 সেই সময়ত চুজানাই ইউনিভাৰ্চিটিত পঢ়ি আছিল আৰু অতিৰিক্ত টকা উপাৰ্জন কৰিব বিচাৰিছিল। তেনেতে চুজানাই এখন স্থানীয় হোটেলত চাকৰি ওলোৱা বুলি খবৰ শুনিবলৈ পাইছিল। চুজানাই সেই ৰেষ্টুৰেণ্টখনলৈ গৈ ওচৰৰ বুথ এটাত চাকৰিৰ আবেদন পত্ৰ পূৰণ কৰি থাকোতেই কোনোবাই তেওঁৰ কান্ধত হাত দিয়ে। পিছলৈ ঘূৰি চাই চুজানাই ৰেষ্টুৰেণ্টখনৰ জেনেৰেল মেনেজাৰ টনি কাহানেক(৫৫) দেখা পায়। তেওঁ তালৈ সুজানাৰ সাক্ষাৎকাৰ ল'বলৈ আহিছিল। ইণ্টাৰভিউৰ কথা-বতৰাৰ সময়ত দুয়োজনে ইজনে সিজনৰ মাজত এটা সংযোগ অনুভৱ কৰিলে, সেয়ে টনিয়ে চুজানাক ফোন নম্বৰটো বিচাৰিলে। পিছদিনা চুজানাই টনিৰ পৰা এটা মেচেজ পালে। ইয়াৰ পাছতেই দুয়োজনে কথা পাতিবলৈ ধৰিলে। কিছুদিন পিছত দুয়ো ৰাতিৰ আহাৰ খাবলৈ ৰেষ্টুৰেণ্টলৈ যায়। এনেদৰেই দুয়োৰে মাজত লাহে-লাহে প্ৰেমৰ সম্পৰ্কই গঢ় লৈ উঠে।

 

 প্ৰথম অৱস্থাত চুজানাই সম্পৰ্কটো গোপন কৰি ৰাখিছিল যদিও কিছু দিনৰ পিছত টনীয়ে চুজানাক তেওঁৰ লগত শ্বিফ্ট কৰিবলৈ ক’লে। চুজানাই ভাবিলে যে এতিয়া তেওঁ মাক-দেউতাকক নিজৰ সম্পৰ্কৰ কথা ক’ব লাগিব। প্ৰথম অৱস্থাত তেওঁৰ পিতৃ-মাতৃয়ে বিশ্বাস কৰা নাছিল। কিন্তু ছোৱালীজনীৰ সুখ দেখি তেওঁলোকে টনিক পৰিয়ালৰে মানুহ যেন গণ্য কৰিবলৈ ল’লে। টনিৰ মাতৃয়েও তেওঁলোকৰ সম্পৰ্কত সন্মতি জনায়।

 অৱশ্যে টনি আৰু চুজানাৰ বন্ধু কেইজনমানে তেওঁলোকৰ সম্পৰ্কক লৈ অস্বস্তিকৰবোধ কৰিছিল। চুজানাৰ মতে নিজৰ বয়সৰ সংগীৰ লগত থকাটো ডাঙৰ কথা নহয়, এজন মানসিকভাৱে পৰিপক্ক ব্যক্তিৰ সৈতে সম্পৰ্কত থকাটোহে ডাঙৰ কথা। এতিয়া তিনি বছৰীয়া সম্পৰ্ক সম্পূৰ্ণ কৰাৰ পিছত চুজানা আৰু টনীয়ে ইজনে সিজনৰ লগত কটোৱা সময়খিনিক জীৱনক আটাইতকৈ সুখৰ মুহূৰ্ত বুলি গণ্য কৰে।