ডিজিটেল ডেস্কঃ শেহতীয়াকৈ আমেৰিকাৰ ৰাষ্ট্ৰপতি ড’নাল্ড ট্ৰাম্পে ভাৰতৰ সৈতে হোৱা বাণিজ্যিক চুক্তি সন্দৰ্ভত এক বিবৃতি প্ৰকাশ কৰিছে। শীঘ্ৰে ভাৰতৰ সৈতে বাণিজ্যিক চুক্তি স্বাক্ষৰিত হ’ব বুলিও তেওঁ কয়।
এই বিষয়ত প্ৰতিক্ৰিয়া প্ৰকাশ কৰিছে কেন্দ্ৰীয় বিত্তমন্ত্ৰী নিৰ্মলা সীতাৰমণে। আমেৰিকাৰ সৈতে হোৱা বাণিজ্যিক চুক্তিৰ সন্দৰ্ভত চৰকাৰৰ স্থিতি স্পষ্ট কৰি দিছে বিত্তমন্ত্ৰী গৰাকীয়ে। বিত্তমন্ত্ৰীয়ে কয় যে ভাৰতে নিশ্চিতভাৱে আমেৰিকাৰ সৈতে ভাল চুক্তি কৰিব বিচাৰিব, কিন্তু ইয়াৰ বাবে কিছু চৰ্ত থাকিব।
বিত্তমন্ত্ৰী সীতাৰমণে কয় যে ভাৰতৰ কৃষি আৰু দুগ্ধ খণ্ডৰ বাবে কিছুমান সীমা আছে। এই বিষয়ে বিবেচনা কৰাটো গুৰুত্বপূৰ্ণ। ড’নাল্ড ট্ৰাম্পৰ এই বক্তব্যক লৈ সীতাৰমণক সোধা-পোছা কৰা হৈছিল। আমেৰিকাৰ সৈতে হোৱা বাণিজ্যিক চুক্তিৰ উত্তৰ দি তেওঁ কয়, “হয়, কিয় নহয়, আমি ভাল চুক্তি কৰিব বিচাৰিম।”
ভাৰত-আমেৰিকাই বাণিজ্যিক চুক্তিত সন্মতি প্ৰকাশ কৰিছেনে?
শেহতীয়াকৈ আমেৰিকাৰ ৰাষ্ট্ৰপতি ট্ৰাম্পে কয় যে ভাৰত আৰু আমেৰিকাৰ মাজত বাণিজ্যিক চুক্তি সন্দৰ্ভত পৰিস্থিতি ৮ জুলাইৰ ভিতৰত সম্পূৰ্ণৰূপে স্পষ্ট হ’ব।ট্ৰাম্পৰ মতে ভাৰত আৰু আমেৰিকাৰ মাজত বাণিজ্যিক চুক্তিত অহা সকলো বাধা অতি সোনকালে দূৰ কৰিব পৰা যাব। এই চুক্তিত আই টি, মেনুফেকচাৰিং আৰু সেৱাৰ লগতে অটোমোবাইল খণ্ডও অন্তৰ্ভুক্ত হ’ব পাৰে। ভাৰত আৰু আমেৰিকাৰ মাজত হোৱা বাণিজ্যিক চুক্তি সন্দৰ্ভত সম্পূৰ্ণ পৰিস্থিতি এতিয়াও স্পষ্ট হোৱা নাই। এই সন্দৰ্ভত অতি সোনকালে এটা আপডেট লাভ কৰিব পাৰিব।
ভাৰতৰ বাবে বাণিজ্যিক চুক্তি কিয় গুৰুত্বপূৰ্ণ?
বিত্তমন্ত্ৰী নিৰ্মলা সীতাৰমণে আমেৰিকাৰ সৈতে হোৱা বাণিজ্যিক চুক্তি ভাৰতৰ বাবে কিয় গুৰুত্বপূৰ্ণ সেই কথাও ব্যাখ্যা কৰে। ফাইনেন্সিয়েল এক্সপ্ৰেছক দিয়া এক সাক্ষাৎকাৰত সীতাৰমণে কয় যে আমি যি স্থানত আছো আৰু আমাৰ লক্ষ্য অনুসৰি আমি যিমান সোনকালে শক্তিশালী অৰ্থনীতিৰ সৈতে এনে চুক্তি কৰিম, সিমানেই আমাৰ বাবে ভাল হ’ব।’
Continue Reading
