ডিজিটেল ডেস্ক: অৰুণাচলৰ এখন ৰাজহুৱা সভাত কেন্দ্ৰীয় গৃহ মন্ত্ৰী অমিত শ্বাহে কংগ্ৰেছ নেতা ৰাহুল গান্ধী আৰু কংগ্ৰেছক তীক্ষ্ণ শব্দৰে আক্ৰমণৰ লক্ষ্য কৰি লয়। উত্তৰ-পূৰ্বাঞ্চলৰ ৰাজ্যখনত উপস্থিত হৈ গৃহমন্ত্ৰীগৰাকীয়ে নামচাইত বিভিন্ন উন্নয়ণমূলক কামৰ শুভাৰম্ভ আৰু আধাৰশিলা স্থাপন কৰে। ইয়াৰ মাজতে এখন সভাত গৃহমন্ত্ৰীগৰাকীয়ে কংগ্ৰেছক সমালোচনা কৰি কয়, 'কংগ্ৰেছে সোধে, বিজেপিয়ে ৮ বছৰত কি কৰিলে?
ৰাহুল গান্ধীয়ে নিজৰ ইটালীয়ান চশমাজোৰ আঁতৰাই চাওক, কি কি হৈছে দেখা পাব।‘ লগতে তেওঁ কংগ্ৰেছৰ লোকসকলকো সমালোচনাৰ লক্ষ্য কৰি লয়, ‘কংগ্ৰেছৰ বন্ধুসকলে কয় যে ৮ বছৰ হৈ গ’ল কিন্তু মোদীয়ে কি কৰিলে? তেওঁলোকে চকু বন্ধ কৰি উন্নয়ণ বিচাৰি আছে। ৰাহুল বাবাই চকু মেলক আৰু ইটালীয়ান চশমাৰ সলনি ভাৰতীয় চশমাজোৰ পিন্ধি লওক। তেতিয়াহে গম পাব কি কি উন্নয়ন হৈছে।‘
ৰাহুল গান্ধী আৰু কংগ্ৰেছক লক্ষ্য কৰি দেশৰ গৃহমন্ত্ৰীয়ে দিয়া এনে বক্তৃতা এতিয়া সৰ্বত্তে চৰ্চা হৈ থকা দেখিবলৈ পোৱা গৈছে। অৰুণাচলৰ উন্নয়ণৰ বাবে বিজেপিয়ে গ্ৰহণ কৰা কল্যাণকামী আঁচনিবোৰৰ বিষয়ে উল্লেখ কৰি বিজেপিৰ দ্বৈত ইঞ্জিনৰ চৰকাৰে আইন-শৃংখলা পৰিস্থিতিলৈও অভূতপূৰ্ব পৰিৱৰ্তন আনিছে বুলি দাবী কৰা গৃহমন্ত্ৰীৰ বক্তব্যৰ কেইঘন্টামান পূৰ্বে ইটানগৰত দুই ফৈদৰ সংঘৰ্ষত আৰক্ষীৰ নিৰ্লিপ্ততাৰ বিষয়টোৱে চাঞ্চল্যৰ সৃষ্টি কৰিছে দেশজুৰি।
Continue Reading
