ভাৰতৰ একমাত্ৰ ৰে'ল, যিখনে এটকাও নলয় ভাড়া, ৭৩ বছৰ ধৰি বিনামূলীয়াকৈ যাত্ৰী কঢ়িয়াই এই বিশেষ ৰেলখনে

ডিজিটেল ডেস্ক : দেশত প্ৰতিদিনে লাখ লাখ লোকে ৰেলযোগে যাত্ৰা কৰে। কিন্তু আপুনি জানেনে যে এইখন ভাৰততে এনে এখন ৰে’ল আছে য’ত আপুনি যাত্ৰা কৰিবলৈ এটকাও ভাড়া দিব নালাগে। এই বিশেষ ৰেলখনৰ বিষয়ে জানো আহক।

 হিমাচল প্ৰদেশ আৰু পঞ্জাবৰ সীমান্তত চলি আছে এই বিশেষ ৰে’লখন। যদি আপুনি ভকৰা নগাল বান্ধ চাবলৈ যায়, তেন্তে এই ৰেলখনেৰে বিনামূলীয়াকৈ যাত্ৰাৰ আনন্দ ল’ব পাৰে।

 আচলতে এই ৰে’লখন নগালৰ পৰা ভাকৰা বান্ধৰ মাজত চলে। মুঠ ২৫খন গাঁৱৰ লোকে যোৱা ৭৩ বছৰে এই ৰে’লেৰে বিনামূলীয়াকৈ যাত্ৰা কৰি আহিছে। এতিয়া আপুনি নিশ্চিতভাৱে জানিব বিচাৰিব যে এইটো কেনেকৈ সম্ভৱ? ৰে’লৱেই কেনেকৈ ইয়াৰ অনুমতি দিয়ে জানো আহক?

 মন কৰিবলগীয়া যে এই ৰে’লখন ৰাইজক ভকৰা বান্ধৰ বিষয়ে তথ্য দিবলৈ চলোৱা হৈছে। ইয়াৰ মূল উদ্দেশ্য হৈছে-এই মথাউৰিটো বনোৱাৰ ক্ষেত্ৰত কি কি অসুবিধাৰ সন্মুখীন হৈছিল? ইয়াক ভকৰা বিয়াছ মেনেজমেণ্ট ব’ৰ্ডে পৰিচালনা কৰে। আপোনালোকক কওঁ যে এই ৰেলপথটো পাহাৰ ভাঙি নিৰ্মাণ কৰা হৈছিল।

 উল্লেখ্য যে, ১৯৪৯ চনত এই ৰেলখন চলোৱা হৈছিল আৰু যোৱা ৭৩ বছৰ ধৰি এই ৰে’লেৰে সকলো যাত্ৰীয়ে বিনামূলীয়াকৈ যাত্ৰা কৰি আহিছে। ২৫খন গাঁৱৰ ৩০০ৰো অধিক লোকে দৈনিক এই ৰে’লৰ জৰিয়তে যাত্ৰা কৰি আছে। এই ৰে’লৰ পৰা ছাত্ৰ-ছাত্ৰীসকলে সৰ্বাধিক লাভৱান হয়। নাংগলৰ পৰা ডামলৈ যোৱা ৰে’লখনে দিনটোত দুবাৰকৈ যাত্ৰা কৰে। তাত কোনো টিটি নাথাকে। ডিজেল ইঞ্জিনচালিত এই ৰে’লখনে দিনটোত ৫০ লিটাৰ ডিজেল খৰচ কৰে। এবাৰ এই ৰে’লখনৰ ইঞ্জিন ষ্টাৰ্ট হ’লেই ভকৰা পৰা উভতি অহাৰ পিছতহে ষ্টাৰ্ট বন্ধ হয়।

 কিমান বজাত যাত্ৰা কৰে এই ৰেলখনে?