‘জাহাজ’ত উঠি নিৰ্বাচনী বৈতৰণী পাৰ হ’ব জাতীয় পৰিষদে!

গুৱাহাটী : জাহাজত উঠি নিৰ্বাচনী বৈতৰণী পাৰ হোৱাৰ পৰিকল্পনা কৰিছে অসম জাতীয় পৰিষদে। নৱগঠিত দলটোৱে আজি তেওঁলোকৰ প্ৰতীকৰ বিষয়ে সদৰি কৰে। সমাগত বিধানসভা নিৰ্বাচনত ‘জাহাজ’ক প্ৰতীক হিচাপে গ্ৰহণ কৰি অসম জাতীয় পৰিষদ ৰণত নামিব৷ নদীৰ দুয়ো পাৰৰ মানুহৰ লগত সমন্বয় স্থাপনৰ প্ৰতীক হিচাপে এই চিহ্ন গ্ৰহণ কৰিছে বুলি দলটোৱে প্ৰকাশ কৰিছে৷

আৰু পঢ়িব পাৰিব :‘ডিনাৰ ৰাজনীতি’ : আজমলৰ বাসভৱনত তেজস্বী যাদৱৰ নৈশ ভোজন

আজি হোটেল ‘প্ৰাগ কণ্টিনেণ্টেল’ত অনুষ্ঠিত এখন সংবাদমেলত এই কথা সদৰি কৰে দলটোৰ সভাপতি লুৰিণজ্যোতি গগৈয়ে৷ তেওঁ কয়, জাতীয়তাবাদৰ প্ৰতি ৰাইজৰ আস্থা অটুট আছে৷ অপপ্ৰচাৰ চলাই এই আদৰ্শক বিভ্ৰান্ত কৰাৰ চেষ্টা কৰিছে একাংশই৷ কিন্তু অসমৰ ৰাইজ বিভ্ৰান্ত নহয় বুলি তেওঁ আশা কৰে৷

আৰু পঢ়িব পাৰিব :প্ৰথমবাৰৰ বাবে ৩ শ্ৰেণীৰ লোকলৈ বিশেষ ব্যৱস্থা : গুৰুত্বপূৰ্ণ ঘোষণা ৰাজ্যিক নিৰ্বাচনী আয়োগৰ

ইপিনে, ২৫ ফেব্ৰুৱাৰীত ৰাজনৈতিক দল হিচাপে পঞ্জীকৃত হয় অজাপ৷ অজাপৰ পঞ্জীয়ন নম্বৰ 56/161/2020-2021PPS-1 বুলি দলটোৱে সদৰি কৰে৷ ৰাষ্ট্রীয় দলৰ বোকোচাত উঠি নিৰ্বাচন নেখেলে বুলি স্পষ্ট কৰি দিয়ে দলৰ মূল গুৰি ধৰোঁতা লুৰিণজ্যোতি গগৈয়ে৷