জম্মু : জম্মু-কাশ্মীৰলৈ কেন্দ্ৰই শান্তি তথা স্বাভাৱিক অৱস্থা ঘূৰাই অনাৰ চেষ্টা অব্যাহত ৰাখিছে। একেদৰে উপত্যকাটোত বিভিন্ন উন্নয়নমূলক কামো চলিছে। তাৰ মাজতে আজি জম্মু-কাশ্মীৰত উপস্থিত হৈছে ২০জনকৈ বিদেশী দূত তথা জ্যেষ্ঠ কূটনীতিকৰ এটা দল। দুদিনীয়া ভ্ৰমণসূচীৰে এই কূটনীতিকৰ দলটো উপস্থিত হৈছে জম্মু-কাশ্মীৰত।
আৰু পঢ়িব পাৰিব : এইবাৰ মন্ত্ৰীৰ বিৰুদ্ধে অপপ্ৰচাৰ ৱেব প’ৰ্টেলৰ, কঠোৰ আৰক্ষী
এই কুৰিজনীয়া প্ৰতিনিধি দলটোত আছে ইউৰোপীয় ইউনিয়নৰ এম্বেচেডৰ উগো আষ্টুতো আৰু দহখন ইউৰোপীয় দেশৰ দূত। ফ্ৰান্সৰ এম্বেচেডৰ ইমানুৱেল লেনাইনো এইসকলৰ ভিতৰত আছে। তদুপৰি বাংলাদেশ, আফ্ৰিকান দেশ, মধ্য এছিয়া আৰু কেন্দ্ৰীয় আমেৰিকাৰ ভালেমান দেশৰ ৰাষ্ট্ৰদূত আৰু জ্যেষ্ঠ কূটনীতিকো এই দলটোত চামিল হৈ আছে।
আৰু পঢ়িব পাৰিব : যোৰহাটত পুনৰ সাংবাদিকক আক্ৰমণ, আটক ৩ ধৃত
দলটোৱে ভ্ৰমণ কৰিবলগীয়া স্থানসমূহত কঠোৰ নিৰাপত্তা ব্যৱস্থা গঢ়ি তোলা হৈছে। এই ভ্ৰমণকালত বিদেশী প্ৰতিনিধিসকলে বিভিন্ন ৰাজনৈতিক দল তথা সাংবাদিকৰ প্ৰতিনিধি বৰ্গৰে আলোচনাত মিলিত হ’ব।
