জোনাইত সোপাধৰাৰ সন্দেহত এজন যুৱকক প্ৰহাৰ; সংকটজনক অৱস্থাত ডিব্ৰুগড় চিকিৎসালয়ত ভৰ্তি

ডিজিটেল ডেস্কঃ জোনাইত সোপাধৰাৰ সন্দেহত এজন যুৱকক প্ৰহাৰ। সোপাধৰাৰ সন্দেহত যুৱকজনক উপৰ্যুপৰি প্ৰহাৰৰ গুৰুতৰ অভিযোগ উত্থাপন হৈছে।

জানিব পৰা মতে জোনাই মিলনতীৰ্থ গাঁৱৰ ৰাহুল মিশ্ৰ নামৰ যুৱকজনক বাহিৰ জোনাই ভকত চুকৰ একাংশ যুৱকে সোপাধৰাৰ সন্দেহত তিনি তাৰিখে নিশা প্ৰায় দহ বজাত উপৰ্যুপৰি প্ৰহাৰ কৰে। 

ভকত চুক গাঁৱৰ ৰাহুল পেগু আৰু অজয় পেগুৰ নেতৃত্বত ৬/৭ জনীয়া যুৱকৰ দলে প্ৰথমে ৰাহুল মিশ্ৰ নামৰ যুৱকজনক হাত ভৰি বান্ধি শৰীৰৰ বিভিন্ন অংশত প্ৰহাৰ কৰাৰ উপৰিও যুৱকজনৰ মটৰ চাইকল ভাঙি দিয়াৰো অভিযোগ উথাপন হৈছে। তদুপৰি যুৱকজনৰ মোবাইল পৰ্য্যন্ত কাঢ়ি লোৱাৰো অভিযোগ কৰিছে পৰিয়ালৰ লোকে।  

ইতিমধ্য যুৱকৰ দলৰ প্ৰহাৰত গুৰুৰভাৱে আহত ৰাহুল মিশ্ৰক সংকটজনক অৱস্থাত উন্নত চিকিৎসাৰ বাবে ডিব্ৰুগড়ৰ এখন ব্যক্তিগত চিকিৎসালয়ত ভৰ্তি কৰোৱা হৈছে বুলি জানিব পৰা গৈছে। ঘটনা সংক্ৰান্তত ইতিমধ্য যুৱকজনৰ পিতৃয়ে জোনাই থানত গোচৰ ৰুজু কৰিছে।