ৰ’জভেলী কেলেংকাৰিৰ ৭.৫ লাখ ভুক্তভোগীক ঘূৰাই দিব ৫১৫.৩১ কোটি টকা

সমিতিৰ ওচৰত বৰ্তমানলৈ দাখিল কৰা ৩১ লাখ আৱেদনকাৰীৰ মাজৰ ৭.৫ লাখ ভুক্তভোগীক টকা ঘূৰাই দিবলৈ এই ধন ব্যৱহাৰ কৰা হ'ব বুলি বিত্ত মন্ত্র্যালয়ে এটা বিজ্ঞপ্তিত কয়। ইয়াৰ আগতে ই ডিয়ে সমিতিক ২২ কোটি টকা প্রদান কৰিছিল আৰু ৩২,৩১৯জন বৈধ বিনিয়োগকাৰীক ধন উক্ত ধনৰাশিৰ পৰা ওভতাই দিয়া হৈছিল। 

আজি বিত্ত মন্ত্ৰ্যালয়ে  অর্পণ কৰা ৫১৫.৩১ কোটি টকা ই ডিয়ে ২০১৫-১৭ চনত ২,৯৮৭ টা বেংক একাউন্ট তদন্ত কৰি বাজেয়াপ্ত কৰি লাভ কৰিছিল। উক্ত একাউণ্টবোৰত নিৰীহ লোকৰ পৰা সংগ্ৰহ কৰা ধন সুমুওৱা হৈছিল। মন্ত্ৰ্যালয়ে আৰু জনায় যে ই ডিয়ে ৰ'জ ভেলীৰ বিৰুদ্ধে ধনৰ অবৈধ সৰবৰাহ প্ৰতিৰোধী আইনৰ অধীনত অসম, পশ্চিম বংগ, ওড়িশা আৰু ত্ৰিপুৰাত ৫টা গোচৰৰ তদন্ত কৰি আছে। ই ডিয়ে বিশেষ ন্যায়ালয়ত এই আটাইকেইটা গোচৰৰ অভিযোগনামা দাখিল কৰিছে। ৰ'জ ভেলীয়ে সমাজৰ নিম্নশ্ৰেণীৰ লোকৰ পৰা ভুৱা প্ৰতিশ্ৰুতিৰে ১৭ হাজাৰ ৫২০ কোটি টকা সংগ্ৰহ কৰা বুলি ই ডিৰ তদন্তত প্ৰকাশ পাইছে। ইয়াৰে ৬ হাজাৰ ৬০০ কোটি টকাৰো অধিক ধন বিনিয়োগকাৰীক ঘূৰাই দিয়া হোৱা নাই।

উৎস- দৈনিক জনমভূমি