ডিজিটেল ডেস্কঃ ছ’চিয়েল মিডিয়াত ট্ৰ’লৰ সন্মুখীন হৈছে বলীউড অভিনেত্ৰী কৰীণা কাপুৰ। পোছাক বা ষ্টাইলৰ বাবেই নহয় কৰীণাই দেখুওৱা এটিটিউদৰ বাবে ট্ৰ’লৰ সন্মুখীন হৈছে অভিনেত্ৰীগৰাকী। শুকুৰবাৰে কেজুৱেল বগা ৰঙৰ ড্ৰেছত দেখা গৈছিল কৰীণাক।
এই সময়ছোৱাত যেতিয়া পাপ্পাৰাজীয়ে তেওঁৰ ফটো তুলি আছিল সেইসময়ত কৰীণাই এনেকুৱা এটা এটিটিউদ দেখুৱালে যে সকলোৱে তেওঁৰ এই ব্যৱহাৰ বেয়া পাইছে। বৰ্তমান তেওঁ প্ৰচণ্ড ট্ৰলিংৰ সন্মুখীন হ’বলগীয়া হৈছিল। পাপ্পাৰাজীয়ে ফটো আৰু ভিডিঅ’ তুলি থাকোতে পাপ্পাৰাজীক কোনো ধৰণৰ প্ৰতিক্ৰিয়া নিদিয়াকৈ কৰীণা সেইস্থানৰ পৰা আঁতৰি যায়। কৰীণাৰ এই ভিডিঅ'টোত কমেণ্ট কৰি ৰাইজে তেওঁক অহংকাৰী বুলি অভিহিত কৰিছে।
কৰীণা কাপুৰৰ এই ধৰণৰ আচৰণ দেখি বহু লোকেই তেওঁক জয়া বচ্চনৰ লগত তুলনা কৰিলে। ইউজাৰগৰাকীয়ে কমেণ্ট কৰি লিখিছে যে এদিন তেওঁৰ অৱস্থাও জয়া বচ্চনৰ দৰে হৈ পৰিব। এজন লোকে লিখিছে যে ভাইসকল এওঁলোকৰ ফটো, ভিডিঅ দেখাই থকা বাদ দিয়া..কিয় সময় নষ্ট কৰা। এজনে লিখিছে- আচলতে এনেলোকক ইমান গুৰুত্ব দিবই নাপায়। এনেদৰে সকলোৱে কৰীণাৰ ওপৰত উজাৰিছে ক্ষোভ। কৰীণাক জয়া বচ্চনৰ সৈতে তুলনা কৰাৰ অৰ্থ হল জয়া বচ্চনেও সদায় সাংবাদিক বা পাপ্পাৰাজীক বৰ ৰুক্ষ ব্যৱহাৰ কৰে।
Continue Reading
