কংগ্ৰেছৰ যুৱ-নেত্ৰী অনন্যা শইকীয়াৰ জাতীয় পৰিষদত যোগদান

 আজি গুৱাহাটী পৌৰ নিগমৰ ২ নং ৱাৰ্ডৰ অন্তৰ্গত পদুমবড়ীত জাতীয় পৰিষদৰ এখনি নিৰ্বাচনী সভাত যুৱ-নেত্ৰীগৰাকীয়ে দলৰ সভাপতি লুৰীণজ্যোতি গগৈৰ উপস্থিতিত যোগদান কৰে৷ সভাপতি গগৈয়ে এখন ফুলাম গামোছা আৰু দলৰ সদস্যভৰ্তিৰ প্ৰ-পত্ৰৰে শইকীয়াক দললৈ আদৰি আনে৷ উক্ত কাৰ্যসূচীত দলৰ উপ-সভাপতি পংকজলোচন দেৱগোস্বামী, সম্পাদক গিৰীণ তালুকদাৰ, জাতীয় মহিলা শক্তিৰ সম্পাদিকা অপৰাজিতা বৰা দাস, তথ্য-প্ৰযুক্তিৰ সম্পাদক দেৱজিৎ চৌধুৰী, জাতীয় যুৱ-শক্তিৰ মুখ্য আহ্বায়ক চন্দ্ৰপল বৰুৱা, দলৰ কামৰূপ জিলা সমিতিৰ সম্পাদক আচিফ আলীসহ নেতাসকল উপস্থিত থাকে৷ যোগদান কৰি অনন্যা শইকীয়াই কয় যে, তেওঁ এটা স্বাভিমানী মন লৈ ৰাজনীতিলৈ আহিছিল৷

 কিন্তু কংগ্ৰেছ দলত থাকি দিল্লীৰ নেতাসকলে অসমৰ স্থানীয় নেতাসকলৰ মতামত আৰু অনুভূতিৰ গুৰুত্ব নিদিয়াকৈ দিল্লীৰ পৰাই দল চলাই থকা কাৰ্য সহ্য কৰিব নোৱাৰি তেওঁ স্বাভিমানী জাতীয়তাবাদ প্ৰতিষ্ঠাৰ অংগীকাৰেৰে আগবঢ়া দল জাতীয় পৰিষদত যোগদানৰ সিদ্ধান্ত লয়৷