ডিজিটেল ডেস্কঃ ভাৰতৰ প্ৰাক্তন অধিনায়ক বিৰাট কোহলীক দীৰ্ঘদিন ধৰি চূড়ান্ত বেয়া ছন্দত দেখিবলৈ পোৱা গৈছে। ২০১৯ চনৰ নৱেম্বৰৰ পিছত কোহলীৰ বেটৰ পৰা অহা নাই এটাও শতক। আইপিএল ২০২২তো ৰানৰ বাবে যুঁজ দিয়া দেখা গৈছে কোহলীক। তিনিবাৰকৈ গোল্ডন ডাকো পাইছে ৰান মেছিনে।
বিৰাট কোহলীৰ দুৰ্বল ফৰ্মক লৈ প্ৰতিক্ৰিয়া প্ৰকাশ কৰিছে অষ্ট্ৰেলিয়াৰ প্ৰাক্তন অধিনায়ক ৰিকি পণ্টিঙে। পণ্টিঙে কয় যে, ‘কোহলীৰ ক’ত ভুল হৈছে তাক জানি লোৱাটো প্ৰয়োজনীয়। কোহলীৰ দুৰ্বল ফৰ্মৰ কাৰণ একেবাৰেই শাৰীৰিক বা মানসিক ক্লান্তি নহয়।’
লগতে কোহলীৰ প্ৰত্যাৱৰ্তনক লৈ আশাবাদী পণ্টিং। কোহলীৰ এই দুৰ্বল ফৰ্ম বেছি দিন টিকি নাথাকে বুলিও কয় প্ৰাক্তন অষ্ট্ৰেলিয়ান তাৰকা ক্ৰিকেটাৰগৰাকীয়ে। প্ৰসংগক্ৰমে, দক্ষিণ আফ্ৰিকাৰ বিৰুদ্ধে চলি থকা পাঁচখন মেচৰ আন্তঃৰাষ্ট্ৰীয় টি-২০ শৃংখলাৰ বাবে বিচিচিআইয়ে বিৰাট কোহলীক বিশ্ৰাম দিছে। খবৰ অনুসৰি, ইংলেণ্ড ভ্ৰমণত ভাৰতীয় দলৰ সৈতে যোগ দিব কোহলীয়ে।
দ্য আই চি চি ৰিভিউৰ সৈতে হোৱা এক সাক্ষাৎকাৰত ৰিকি পণ্টিঙে কয় যে, ‘প্ৰতিজন খেলুৱৈৰ জীৱনৰ কোনোবা এটা সময়ত বেয়া সময় আহেই। বিৰাট কোহলীয়ে বিগত ১০-১২ বছৰে এনে সময় পাৰ কৰা নাছিল। কিন্তু আইপিএলৰ সময়ত তেওঁ কিমান ভাগৰুৱা আছিল সেয়া সকলোৱে দেখিছেই। কোহলীয়ে কেনেকৈ প্ৰত্যাৱৰ্তন কৰিব সেয়া তেওঁ নিজে ভবাটো জৰুৰী। কৌশলগত ত্ৰুটি নে মানসিক সমস্যাই জুমুৰি দি ধৰিছে, তাক জানিব লাগিব তেওঁ। মই নিশ্চিত যে কোহলী এজন নিখুঁত পেছাদাৰী খেলুৱৈ, গতিকে তেওঁ অতি সোনকালে প্ৰত্যাৱৰ্তন কৰিব।’
Continue Reading
