ডিজিটেল ডেস্ক : মাটিৰ পাত্ৰত খাদ্য সিজোৱা বা খাদ্যগ্ৰহণ কৰাটো শৰীৰৰ বাবে যথেষ্ট উপকাৰী৷ দেশৰ বিভিন্ন স্থানত খাদ্য গ্ৰহণত মাটিৰ পাত্ৰ ব্যৱহাৰ কৰা দেখা যায়৷ মাটিৰ পাত্ৰত গৰম চাহ খোৱাটো প্ৰায়ে সহজলভ্য হৈ উঠিছে৷ পূৰ্বে বহু সময়ত (বৰ্তমানেও) কাঁচৰ গ্লাছ, প্লাষ্টিকৰ গিলাচ ব্যৱহাৰ কৰা হৈছিল৷ কিন্তু এতিয়া সেইবোৰ পৰিষ্কাৰ-পৰিচ্ছন্নতা আৰু শাৰীৰিক ক্ষতিৰ বাবে মাটিৰ কাপ ব্যৱহাৰত যথেষ্ট গুৰুত্ব প্ৰদান কৰা দেখা যায়।
মাটিৰ পাত্ৰত গৰম চাহ খোৱাটোৱে শৰীৰত কেনে প্ৰভাৱ পেলায় জানো আহক :
বিজ্ঞানীসকলৰ মতে, মাটিৰ পাত্ৰত চাহ খোৱাটোৱে শৰীৰৰ ওপৰত কোনো ক্ষতিকাৰক প্ৰভাৱ পেলাব নোৱাৰে। ইয়াৰ বিপৰীতে প্লাষ্টিকৰ কাপত গৰম চাহ ল'লে বহুতো ৰাসায়নিক পদাৰ্থ শৰীৰত প্ৰৱেশ কৰে, যি ক্ষতিকাৰক।
জনা যায় যে মাটিৰ কাপত চাহ খালে, ইয়াৰ পুষ্টিৰ মান বৃদ্ধি হয়। মাটিত থকা খনিজ পদাৰ্থ, ফছফৰাছ, লো, কেলছিয়াম, মেগনেছিয়াম শৰীৰৰ বাবে উপযোগী।
যেতিয়া পোৰা মাটিৰ এটা পাত্ৰত গৰম চাহ ঢালি দিয়া হয়, এক প্ৰকাৰৰ সুবাস ওলাই আহে। কাঁচ বা মাটিৰ পাত্ৰত এনে নহয়। এই গোন্ধটোৱেই চাহ খোৱাৰ আনন্দ বৃদ্ধি কৰে।
চাহ খালে বহুলোকৰ এচিডিটিৰ সমস্যা হয়। বহুতো লোক বুকু জ্বলা হয়, বিশেষকৈ গাখীৰ চাহ খালে। মাটিৰ পাত্ৰত চাহ খালে এই সমস্যা হ্ৰাস পায়। ইয়াৰ মূল কাৰণ হৈছে পোৰা মাটিয়ে চাহৰ অম্লতা হ্ৰাস কৰে। এই কাৰণে, হজমৰ সমস্যা থকা বহু লোকক চিকিৎসকে তেওঁলোকক মাটিৰ গিলাচত পানী খাবলৈ পৰামৰ্শ দিয়ে।
Continue Reading
