ভয়ানক হাৰত বৃদ্ধি কৰ্কট ৰোগ, কি ইয়াৰ মুখ্য কাৰণ?

ডিজিটেল ডেস্কঃ ইণ্ডিয়ান কাউন্সিল অব মেডিকেল ৰিছাৰ্চে শেহতীয়াভাৱে প্ৰকাশ কৰা নেচনেল কেন্সাৰ ৰেজিষ্ট্ৰীৰ তথ্য অনুসৰি বিগত কেইবছৰমানত সমগ্ৰ ভাৰতৰ লগতে অসমতো কৰ্কট ৰোগীৰ সংখ্যা ভয়াৱহভাৱে বৃদ্ধি পাইছে। এই ৰোগ ইমানেই ভয়াৱহ যে প্ৰাৰম্ভিক পৰ্যায়ত ইয়াৰ লক্ষণবোৰ জনা নাযায়। এই মাৰাত্মক ৰোগবিধক প্ৰাথমিক পৰ্যায়তে চিনাক্ত কৰিব পাৰিলেহে ইয়াৰ সঠিকভাৱে চিকিৎসা কৰিব পাৰি।

 কি কৰ্কট ৰোগৰ মুখ্য কাৰণ?

 তেল ব্যৱহাৰ নকৰাকৈ ভাৰতীয় খাদ্য সোৱাদ কল্পনাই কৰিব নোৱাৰি, কিন্তু যদিহে আপুনি প্ৰয়োজনতকৈ অধিক ৰন্ধন তেল ব্যৱহাৰ কৰে, ই শৰীৰৰ বাবে মাৰাত্মক হ'ব পাৰে। উচ্চ উষ্ণতাত গৰম কৰা খাদ্যই শৰীৰৰ পিএইচ স্তৰ অনিয়ন্ত্ৰিত কৰে, যাৰ ফলত পাকস্থলীৰ চৰ্বি বৃদ্ধি, বদহজম, গেছ, কোষ্ঠকাঠিন্য আদি ৰোগ হ'ব পাৰে। বহুতো গৱেষণাত দেখা গৈছে যে যদি খাদ্যত তেল অধিক ব্যৱহাৰ কৰা হয়, তেনেহ'লে এয়া এক অতি বিপদজ্জনক বা কৰ্কট ৰোগৰ কাৰণ হ'ব পাৰে।

 যদি ছানফ্লাৱাৰ তেল, চয়াবীন আৰু পাম তেল অত্যধিক গৰম হয়, তেনেহ'লে এলডিহাইডে ৰাসায়নিক পদাৰ্থ উৎপন্ন কৰে, যি হৈছে কৰ্কট ৰোগ সৃষ্টিকাৰী উপাদান। ইয়াৰ বাবে শৰীৰত কৰ্কট কোষ উদ্ভৱ হ'বলৈ আৰম্ভ কৰে, এই তেলবোৰৰ ব্যৱহাৰ তৎক্ষণাৎ বন্ধ কৰাই ভাল।

 কিছুমান ৰন্ধন তেলত পলিআনচেচুৰেটেড চৰ্বি যথেষ্ট বেছি হোৱা দেখা যায়। যদি ইয়াক উচ্চ উষ্ণতাত গৰম কৰা হয়, ই এলডিহাইডলৈ বিভক্ত হয়। ডেমনফৰ্ট বিশ্ববিদ্যালয়ত কৰা এক অধ্যয়নত প্ৰকাশ পাইছে যে কিছুমান তেলত দৈনিক ব্যৱহাৰৰ সীমাতকৈ ২০০ গুণ বেছি এলডিহাইড থাকে।

 কি তেল ব্যৱহাৰ কৰিব লাগে?

 কিছুমান তেলে কৰ্কট ৰোগৰ আশংকা যথেষ্ট হ্ৰাস কৰে। যেনে-ঘিঁ, বগা মাখন, জলফাই তেল। যেতিয়া এই তেলবোৰ গৰম কৰা হয়, এলডিহাইডবোৰ কম উৎপন্ন হয়। যদিও আপুনি তৈলাক্ত খাদ্য গ্ৰহণ হ্ৰাস কৰাই ভাল, ই কেৱল কৰ্কট ৰোগেই নহয়, ডায়েবেটিছ আৰু হৃদৰোগৰ আশংকা হ্ৰাস কৰে।